ಪ್ರಸ್ತುತ ಮುಂಬಯಿ ನಿವಾಸಿಗಳಾದ ಅನಿತಾ ಪೂಜಾರಿ ಅವರುಎಂ. ಬಿ ಕುಕ್ಯಾನ್ ಸುವರ್ಣ ಪದಕ ಗಳಿಸುವುದರ ಮೂಲಕ ಪ್ರಥಮ ಶ್ರೇಣಿಯಲ್ಲಿ ಎಂ. ಎ ಪದವಿ ಮುಗಿಸಿದ್ದಾರೆ. ಐದು ಕೃತಿಗಳು ಲೋಕಾರ್ಪಣೆಗೊಂಡಿವೆ. ಕತೆ ಕವನ ಲೇಖನ ಪ್ರವಾಸ ಕಥನ ಅಂಕಣ ಬರಹಗಳು ಒಳನಾಡು ಮತ್ತು ಹೊರನಾಡಿನ ಪತ್ರಿಕೆಗಳಲ್ಲಿ ಪ್ರಕಟವಾಗುತ್ತಿದ್ದು ಇವರ ಬರಹಗಳಿಗೆ ಪ್ರಶಸ್ತಿ ಪುರಸ್ಕಾರಗಳು ಲಭಿಸಿವೆ. ಕನ್ನಡಿಗ ಪತ್ರಕರ್ತರ ಸಂಘ ಮಹಾರಾಷ್ಟ್ರ ಘಟಕದ ಕಾರ್ಯಕಾರಿ ಸಮಿತಿಯ ಸದಸ್ಯರಾಗಿ ಹಾಗೂ ಸೃಜನಾ ಲೇಖಕಿಯರ ಬಳಗ ಮುಂಬಯಿ ಇದರ ಜೊತೆ ಕೋಶಾಧಿಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಇತ್ತೀಚಿನ ಬರಹಗಳು: ಅನಿತಾ ಪೂಜಾರಿ (ಎಲ್ಲವನ್ನು ಓದಿ)
- ಮುಂಬೈ ನಗರದ ಬದುಕು ಮತ್ತು ಮುಂಗಾರು ಮಳೆ - ಜುಲೈ 31, 2021
- ಇನ್ನು ಹೀಗಿರಲಾಗದು - ಜನವರಿ 20, 2021
- ನಾವೂ ಮಾತೆಯರು.., ನಿನ್ನಂತೆ..! - ಅಕ್ಟೋಬರ್ 21, 2020
ಹೀಗೆಯೇ ಇದ್ದೆನಲ್ಲಾ
ಅಂದಿನಿಂದ ಇಂದಿನವರೆಗೂ
ಬದಲಿ ಭಾವಗಳಿಗೆ ಎಡೆ ನೀಡದೆ
ಇರುವ ಬಂಧವನೇ ಮನಸಾ ಒಪ್ಪಿಕೊಂಡು
ಅದರೊಳಗೆ ತನ್ನ ತಾ ಜೀಕಿಸಿಕೊಂಡು
ಮುಂದೆ ಮುಂದೆ ನಡೆದಂತೆ…
ಮಾತುಗಳು ಪರವಾಗದೆ ವಿವಶವಾಗಿ
ಮೌನ ತೀರಕ್ಕೆ ಬಂದು ನಿಂತಿದ್ದು
ಸೋಲು ಸೋಲೆಂದೆನ್ನದೆ ಮತ್ತೆ
ಮರುಮಾತಿಗೆ ಮುನ್ನುಡಿ ಬರೆದಿದ್ದು
ಪ್ರೀತಿಗೆ ಒಲಿದ ಮಾತು
ವಿರಸದ ವೇಳೆಯಲಿ
ಗತಿ ಬದಲಿಸದೆ ಇರುತ್ತಿದ್ದರೆ
ಪೂರ್ಣ ಅಪೂರ್ಣತೆಯ ನಡುವೆ
ಇಬ್ಬಗೆಯ ದನಿಯೇಳದಿರುತ್ತಿದ್ದರೆ
ಹೀಗಾಗುತಿರಲಿಲ್ಲವೇನೋ…!
ಒಪ್ಪು ತಪ್ಪುಗಳ ಸವಾಲಿಗಿಂತ
ಸಣ್ಣ ಕಾರಣ ಸಾಕು ಒಂದು ಎರಡಾಗಲು
ಮೃದು ಮಂದಹಾಸವು ವಿದಾಯಗೀತೆ ಹಾಡಲು
ಬದುಕಿನ ಒಂದೊಂದು ಕ್ಷಣ
ಜೊತೆಯಾಗಿ ಕಳೆಯುವ
ಭಾಷೆ ಪರಿಭಾಷೆಗಳು
ಇನ್ನಷ್ಟು ಗಾಢವಾಗಬೇಕಾದರೆ
‘ಅಹಂನ ಕುಣಿಕೆ ಕಳಚಿ ಬಿಡಬೇಕು’
ಹಾಗಂದುಕೊಂಡ ದಿನಗಳೆಷ್ಟೋ
ಬೇಡವೆಂದಾಗ ದೂರ ಬೇಕೆಂದಾಗ ಸನಿಹ
ಬದುಕು ಯಂತ್ರವಾದರೆ ಹೇಗೆ…!
ಇನ್ನು ಹೀಗಿರಲಾಗದು
ಅಕಾಲಿಕ ನೆರೆಯಲಿ ಕಳೆದು ಹೋಗದೆ
ಸಕಾಲಿಕ ಮಳೆಯಲಿ ತಂಪಾಗಬೇಕು
ಮಾತು ಮೌನಗಳ ಸಂಜ್ಞೆಯಲಿ
ಗೇಯ ಭಾವದ ಪದಗಳಷ್ಟೇ ಕೂಡಿ
ಸೋಬಾನೆ ಹಾಡುಗಳೇ ಕೇಳಿ ಬರಬೇಕು
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ