ಭಿಕ್ಷುಕ ಮತ್ತು ಅವನ ಶ್ವಾನ

• ಲೇಖಕರು
• ಇತ್ತೀಚಿನ ಬರಹಗಳು

ರಾಮ್‌ ಕುಮಾರ್‌ ಡಿ.ಟಿ.

ರಾಮ್‌ ಕುಮಾರ್‌ ಡಿ.ಟಿ
ಮೂಲತಹ ಗಣೇಶಗುಡಿ, ಉತ್ತರ ಕನ್ನಡದವರು. ಸದ್ಯಕ್ಕೆ ಬೆಂಗಳೂರಿನಲ್ಲಿ ವಾಸವಾಗಿದ್ದಾರೆ.
ವೃತ್ತಿಯಲ್ಲಿ ಉದ್ಯಮಿಯಾದರೂ, ಇವರ ಹವ್ಯಾಸಗಳು: ಓದುವುದು, ಬರೆಯುವುದು, ಸೈಕ್ಲಿಂಗ್‌...
ಮತ್ತೆ ನಿರಂತರ ಹುಡುಕಾಟ...! ಆ ಹುಡುಕಾಟವನ್ನು ಅವರ ಕವಿತೆಗಳಲ್ಲಿ ಢಾಳಾಗಿ ಕಾಣಬಹುದು.

ಇತ್ತೀಚಿನ ಬರಹಗಳು: ರಾಮ್‌ ಕುಮಾರ್‌ ಡಿ.ಟಿ. (ಎಲ್ಲವನ್ನು ಓದಿ)

• ನನ್ನಲ್ಲೊಂದು ಕಡಲು - ಏಪ್ರಿಲ್ 11, 2021
• ಅಪರಿಚಿತ - ಏಪ್ರಿಲ್ 5, 2021
• ಆದಿ ಮತ್ತು ಅಂತ್ಯ - ಡಿಸಂಬರ್ 30, 2020

ಹುಚ್ಚನಂತು ಅಲ್ಲ
ಕಳೆದು ಕೊಂಡಿರ ಬಹುದೇನೊ
ತನ್ನನು …

ಹುಡುಕ ಹೊರಟನೆ
ಎಂದು ಕೊಂಡರೆ
ಇಲ್ಲವೆ ಇಲ್ಲ
ಅಲ್ಲದ ‘ಅಲ್ಲಮ’ನೇ ಅವನು?
ಶೂನ್ಯಕ್ಕಿಂತಲೂ ಮೇಲೊಂದು
ಇರಬಹುದೊ ಎಂಬ ಪ್ರಶ್ನೆಗೆ
ಸವಾಲೆನಿಸಿಹನು
ಹಸಿದಿರ ಬಹುದೇ?
ಏನಿರ ಬಹುದೊ ಅವನ ಹುಡುಕಾಟ
ಒಂಟಿ ಇರುವೆನೆಂದಾದರೂ
ಅರಿದಿಹನೇ!

ತ್ಯಜಿಸಲಿಕ್ಕಾದರು,
ಎನಾದರು ಉಳಿಸಿರುವನೆ!
ಎಲ್ಲವನೂ ಬಿಟ್ಟಿರುವನೆ,
ನನ್ನದಲ್ಲವೆಂದು!
ಜ್ಞಾನದ ಸೂಕ್ಷ್ಮ
ಎಳೆಯ ಅರಿದಿಹನೆ?

ಅದೇನು ಕರ್ಮದ ನಂಟೊ
ಆ ಶ್ವಾನದ ಜೊತೆ ಜೊತೆಯಲೆ
ತನ್ನ ಅಳಿದುಳಿದ
ಪಯಣ ಸಾಗಿಸಿಹನು
ಆ ಸ್ನೇಹದ ಅಗಲು
ಒಂದು ನಿಮಿಷವಾದರು ಸಹಿಸನು
ತನ್ನನು ಸಹಿಸಲು
ಅಗಾಧ ಪ್ರಯತ್ನ ನಡೆಸಿಹನು.

ಯಾರಿಗೂ ಬೇಡವಾದ
ಜೀವಗಳೆದೆಷ್ಟಿರಬಹುದೊ
ಈ ಜೀವ ರಾಶಿಯಲಿ
ಅವನೆ ಬಿಟ್ಟನೊ
ಈ ಸಮಾಜವ! ಯಾರರಿವರು
ಪ್ರಶ್ನೆಗಳಲವಾರು
ಕಾರಣ ಒಂದೊ, ಹಲವೊ
ಹುಡುಕುತಿರುವನೊ
ಗೊತ್ತಿಲ್ಲದೆ ತನ್ನನು …