ವೃತ್ತಿಯಲ್ಲಿ ವೈದ್ಯರಾಗಿ, ಕಾವ್ಯ,ಸಾಹಿತ್ಯಗಳಲ್ಲಿಅಪಾರ ಆಸಕ್ತಿ ಹೊಂದಿರುವ ಗೋವಿಂದ ಹೆಗಡೆ, ಕಥೆ, ಕವಿತೆ, ಅಂಕಣ ಬರಹ, ಲೇಖನ,ಅನುವಾದ ಇತ್ಯಾದಿ ಪ್ರಕಾರಗಳಲ್ಲಿ ವ್ಯವಸಾಯ ಮಾಡಿದ್ದಾರೆ. ಮೈಸೂರು ದಸರಾ ಕವಿಗೋಷ್ಠಿ, ಧಾರವಾಡ ಸಾಹಿತ್ಯ ಉತ್ಸವಗಳಲ್ಲಿತಮ್ಮ ಕವಿತೆಗಳನ್ನುಪ್ರಸ್ತುತಪಡಿಸಿದ್ದಾರೆ. ಪ್ರಾಚಾರ್ಯ ಎಚ್ಚೆಸ್ಕೆಜನ್ಮಶತಮಾನೋತ್ಸವ*'ಎಚ್ಚೆಸ್ಕೆ ಬೆಳಕು'* ಕಾರ್ಯಕ್ರಮದಲ್ಲಿ *ಕವಿಗೋಷ್ಠಿಯ ಅಧ್ಯಕ್ಷತೆ* ವಹಿಸಿದ ಗೌರವ ಇವರದು. ಕನ್ನಡ ಪುಸ್ತಕ ಪ್ರಾಧಿಕಾರದ ಯುವ ಬರಹಗಾರ ಪ್ರಶಸ್ತಿ ಪುರಸ್ಕೃತರು. 'ಕನಸು ಕೋಳಿಯ ಕತ್ತು' ಮತ್ತು 'ಪೇಟೆ ಬೀದಿಯ ತೇರು' ಎಂಬ ಎರಡು ಕವನ ಸಂಕಲನಗಳನ್ನು ಪ್ರಕಟಿಸಿದ್ದಾರೆ. ಇವರ ಬರಹಗಳು ಅನೇಕ ಪತ್ರಿಕೆಗಳಲ್ಲಿ ಹಾಗೂ ಆಕಾಶವಾಣಿ ಕೇಂದ್ರಗಳಿಂದ ಪ್ರಕಟ ಹಾಗೂ ಪ್ರಸಾರವಾಗಿವೆ.
ಇತ್ತೀಚಿನ ಬರಹಗಳು: ಡಾ. ಗೋವಿಂದ್ ಹೆಗಡೆ (ಎಲ್ಲವನ್ನು ಓದಿ)
- ಗಜಲ್ - ಫೆಬ್ರುವರಿ 27, 2024
- ಗಜಲ್ - ಜನವರಿ 19, 2023
- ಬನ್ನಿ,ಮತ್ತೆ ಬನ್ನಿ-ರೂಮಿ ಕವಿತೆಗಳು - ಸೆಪ್ಟೆಂಬರ್ 17, 2022
ಊಹ್ಞೂ, ಪ್ಯಾರಿಸ್ ಪ್ಲಾಸ್ಟರ್ನದು ಅಲ್ಲವೇ ಅಲ್ಲ
ಯಾವುದೋ ಕೆರೆಯಂಗಳದ ಅಸಲು ಮಣ್ಣು
ತಂದು ಸೋಸಿ ಕಲಸಿ ಮಿದ್ದು- ಪ್ರತಿಮೆ
ಸೊಂಡಿಲು, ಸಣ್ಣ ಕಣ್ಣು, ನಾಲ್ಕು ಕೈಗಳು
ಕಿವಿ ಕೊಂಚ ಸೊಟ್ಟ, ಹೊಟ್ಟೆ ತುಸು ಸಣ್ಣ
ಆಯಿತೇ, ಸ್ವಲ್ಪ ಸುಧಾರಿಸಿಕೊಳ್ಳಿ
ಗಣಪ ನಮ್ಮವನೇ
ಕೈಗಳಲ್ಲಿ ಪಾಶ, ಅಂಕುಶ, ಅಭಯಮುದ್ರೆ ಮತ್ತೆ ಮೋದಕ
ಚಿಕ್ಕದಾಯಿತೇ? ದುಬಾರಿ ಕಾಲ
ಚೂರು ಅಡ್ಜಸ್ಟ್…
ಚಂದದ ಅಂಗರಾಗ, ಜರತಾರಿ ಬಟ್ಟೆ
ಬೇಗಡೆಯ ಕಿರೀಟದಲ್ಲಿ
ಜರ್ಬಾಗಿ ಕೂತಿದ್ದಾನೆ ಬೆನಕ
ಗತ್ತಿನಲ್ಲಿ ಕೂತ ಅವನ ಇಲಿ
ಆಹಾ, ಆ ಜಂಭವನೇನೆಂಬೆ!
ಅರೇ ಆ ಪೋರ ಎಷ್ಟು ಜೋರಾಗಿ
ಕುಣಿಯುತ್ತಿದ್ದಾನೆ ! ಹಿಂದೆ ಮುಂದೆ
ಪಲ್ಟಿ ಹೊಡೆಯುತ್ತ ಗಿರಿ ಗಿರಿ ಕೈ ಕಾಲು
ತಿರುಗಿಸಿ ಬೀಸುತ್ತ ಪೆಂಡಾಲು ಅದುರುವಂತೆ
ಹುಷಾರು! ಬಿದ್ದು ಬಿಟ್ಟಾನು ಹುಡುಗ
ಅಬ್ಬರದಲ್ಲಿ ಮೈ ಮರೆತು
ಗಣಪನ ಕಾಯ್ದುಕೊಳ್ಳಿ
ಇಲಿ ಪರವಾಗಿಲ್ಲ
ಓಡಿ ಅಡಗಿ ಬಚಾವು
ಕಾದುಕೊಳ್ಳಿ ಗಣಪ್ಪನ ಮುಕ್ಕಾಗದಂತೆ
ಅವನು ನಮ್ಮ ಪೊರೆಯಲು-
ನಾವು ಅವನ ಕಾಯಬೇಡವೇ?
★ ಗೋವಿಂದ ಹೆಗಡೆ
ಹೆಚ್ಚಿನ ಬರಹಗಳಿಗಾಗಿ
ಸಂಕ್ರಾಂತಿ
ಹುಣ್ಣಿಮೆ ರಾತ್ರಿ ದೇವರಾಡುವನು
ಮಹಾಸಾಗರವಾದಳು