ಬೇಲಿಗಳು

• ಲೇಖಕರು
• ಇತ್ತೀಚಿನ ಬರಹಗಳು

ನಾಗರೇಖಾ ಗಾಂವ್ಕರ್

ನಾಗರೇಖಾ ಗಾಂವಕರ ದಾಂಡೇಲಿಯ ಸರಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಉಪನ್ಯಾಸಕಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಪ್ರಕಟಿತ ಕೃತಿಗಳು: ಏಣಿ ಮತ್ತು ಪದಗಳೊಂದಿಗೆ ನಾನು, ಬರ್ಫದ ಬೆಂಕಿ ಕವನ ಸಂಕಲನಗಳು,ಪಾಶ್ಚಿಮಾತ್ಯ ಸಾಹಿತ್ಯ ಲೋಕ, ಆಂಗ್ಲ ಸಾಹಿತ್ಯ ಲೋ(ಅಂಕಣಬರಹ ಕೃತಿ) ಸಮಾನತೆಯ ಸಂಧಿಕಾಲದಲ್ಲಿ (ಮಹಿಳಾ ಸಮಾನತೆಯ ಕುರಿತ ಅಂಕಣ ಬರಹ ಕೃತಿ) ಕವಾಟ(ಪುಸ್ತಕ ಪರಿಚಯ ಕೃತಿ)ಮೌನದೊಳಗೊಂದು ಅಂತರ್ಧಾನ (ಕಥಾಸಂಕಲನ) ಅಚ್ಚಿನಲ್ಲಿದೆ. ವಿವಿಧ ಸಾಹಿತ್ಯ ಗೋಷ್ಟಿಗಳಲ್ಲಿ ,ಆಕಾಶವಾಣಿ ಕಾರ್ಯಕ್ರಮಗಳಲ್ಲಿ ಭಾಗವಸಿದ್ದಲ್ಲದೇ, ಅನೇಕ ಪ್ರಶಸ್ತಿ ಗಳಿಂದಲೂ ಪುರಸ್ಕೃತರಾಗಿದ್ದಾರೆ.

ಇತ್ತೀಚಿನ ಬರಹಗಳು: ನಾಗರೇಖಾ ಗಾಂವ್ಕರ್ (ಎಲ್ಲವನ್ನು ಓದಿ)

• ಭಯವಿಹ್ವಲತೆ - ಅಕ್ಟೋಬರ್ 27, 2024
• ರವಿಯಂತೆ ಕವಿಯೂ- ಅಂಬಾರಕೊಡ್ಲದ ವಿಷ್ಣುನಾಯ್ಕರು - ಫೆಬ್ರುವರಿ 27, 2024
• ಎರಡು ಅನುವಾದಿತ ಕವಿತೆಗಳು - ಸೆಪ್ಟೆಂಬರ್ 26, 2020

ಈ ಬೇಲಿಗಳೇ ಹಾಗೇ…
ಒಂದೇ ಆಗಿದ್ದ ನೆಲದ ನಡುವೆ
ನಟ್ಟನಡು ನಿಂತು ಬೇರ್ಪಡಿಸಿ
ಹಾಯಾಗಿದ್ದು ಬಿಡುತ್ತವೆ.

ಈ ಬೇಲಿಗಳೇ ಹೀಗೆ..
ಗೂಟಗೂಟದ ನಡುವೆ ಹೊಸೆದ
ಹಗ್ಗವೋ, ಬಳ್ಳಿಯೋ ಅಲ್ಲೇ ಚಿಗುರನ್ನು ಬರಿಸಿ
ತೃಪ್ತವಾಗುತ್ತವೆ.

ಬಿದಿರು ಗಳದ ಬೇಲಿಗಳು
ಇದ್ದಷ್ಟೂ ಕಾಲ ಎಲ್ಲವೂ
ಹಾಗೇ ಹೀಗೆ ಇದ್ದವು.

ತಂತಿಬೇಲಿಗಳು ಬಂದ ದಿನದಿಂದ
ನೆಲದ ಒಡೆತನದ ಭಾಗ
ಇಬ್ಭಾಗ ಖಂಡತುಂಡವಾಗಿ
ಬೇರ್ಪಡಿಸುವಿಕೆ ಸಲೀಸಾಯಿತು.

ಆದರೆ,
ಒಂದಿಷ್ಟು ಆಚೀಚೆ ಜರುಗಿಸಹೋದರೂ
ಕೈಗೆ ಹತ್ತಿದ ಕಬ್ಬಿಣದ
ಮುಳ್ಳು ರಕ್ತ ಬಸಿಯಿತು…
ಅಂದಿನಿಂದ
ಬೇಲಿಯಲ್ಲಿ ಚಿಗುರ ಕಾಣುವ ಕನಸೂ ಕುಸಿಯಿತು..