ಸ್ಥಾವರ ಮೌನ

• ಲೇಖಕರು
• ಇತ್ತೀಚಿನ ಬರಹಗಳು

ಮಂಜುವಾಣಿ ಎಸ್. ಡಿ.

ಮಂಜುವಾಣಿ ಅವರು ಮೂಲತಃ ಬೆಂಗಳೂರಿನವರು. ಸದ್ಯಕ್ಕೆ ಗುಜರಾತ್ ನಲ್ಲಿ ವಾಸ. ಮಾತೃಭಾಷೆ ಕನ್ನಡವಾದರೂ ಹಿಂದಿ ಅನುವಾದಕಿಯ ವೃತ್ತಿ. ಕನ್ನಡ ಮತ್ತು ಹಿಂದಿ ಭಾಷೆಗಳಲ್ಲಿ ಸಾಹಿತ್ಯಾಸಕ್ತಿಯ ಜೊತೆಜೊತೆಗೆ ಕವನ, ಲೇಖನ ಬರೆಯುವಪ್ರವೃತ್ತಿ.

ಇತ್ತೀಚಿನ ಬರಹಗಳು: ಮಂಜುವಾಣಿ ಎಸ್. ಡಿ. (ಎಲ್ಲವನ್ನು ಓದಿ)

• ಬೋಧಿ ವೃಕ್ಷ - ಡಿಸಂಬರ್ 20, 2020
• ಉತ್ತುಂಗ - ಜೂನ್ 19, 2020
• ಬದಲಾಗಲಿ ಏಕೆ? - ಮೇ 31, 2020

ಬಾಯ ಬಂದೀಖಾನೆಯಿಂದ
ಬಿಡುಗಡೆಯಾಗಿ
ಅವರಿವರ ಕಿವಿಯ ಕದವ ತಟ್ಟಿ
ಹೃದಯದ ಹೊಸ್ತಿಲನು ಮೆಟ್ಟಿ
ನೇರ ಮತ್ತು ಸ್ಪಷ್ಟ
ಅರ್ಥವನು ತೊರೆದು
ಅಪಾರ್ಥದ ಅಪಘಾತಕ್ಕೀಡಾಗುತ್ತಾ
ಒಂದು ನಾಲಿಗೆಯಿಂದ
ಮತ್ತೊಂದು ನಾಲಿಗೆಗೆ ನೆಗೆದು
ಎಲ್ಲೆ ಮೀರಿ ಅಲೆದು ಬರುವ
‘ಅಲೆಮಾರಿ ಮಾತು’ಗಳಿಗಿಂತ,
ಒಳಮನೆಯ ಕೋಣೆಯಲಿ
ತಟಸ್ಥ ಮಣೆಯೇರಿ ಕೂತ
‘ಸ್ಥಾವರ ಮೌನ’
ಬಲು ಕ್ಷೇಮ.