ಗಾಂಧಿಬಜಾರಿ

• ಲೇಖಕರು
• ಇತ್ತೀಚಿನ ಬರಹಗಳು

ಪ್ರೇಮಶೇಖರ

ಪ್ರಸ್ತುತ ದೆಹಲಿಯಲ್ಲಿ ವಾಸವಾಗಿರುವ ಶ್ರೀ ಪ್ರೇಮಶೇಖರ ಅವರು ಮೂಲತ: ಚಾಮರಾಜನಗರದ ಕೊಳ್ಳೆಗಾಲ ದವರು. ಜೆ ಎನ್ ಯು ನಲ್ಲೂ ವ್ಯಾಸಂಗ ಮಾಡಿರುವ ಶ್ರೀಯುತರು ಸುದೀರ್ಘಕಾಲ ಪಾಂಡಿಚೇರಿ ವಿಶ್ವವಿದ್ಯಾಲಯದಲ್ಲಿ ಭಾರತದ ವಿದೇಶಾಂಗ ನೀತಿಯ ವಿಷಯದಲ್ಲಿ ಬೋಧಕರಾಗಿ ಕೆಲಸ ಮಾಡಿದ್ದಾರೆ. ಸಾಹಿತ್ಯ ಕ್ಷೇತ್ರಕ್ಕೆ ಶ್ರೀ ಪ್ರೇಮಶೇಖರ ಅವರ ಕೊಡುಗೆ ಅಪಾರ.ಅಂತರಾಷ್ಟ್ರೀಯ ಸಂಬಂಧಗಳ ಬಗ್ಗೆ ಅನೇಕ ಅಂಕಣಗಳನ್ನು, ಇಂಗ್ಲಿಷ್ನಲ್ಲಿ ಹಲವಾರು ಸಂಶೋಧನಾ ಲೇಖನಗಳನ್ನು, 5 ಕಾದಂಬರಿಗಳನ್ನು, 14 ಕಥಾಸಂಕಲನಗಳನ್ನು, 13 ಲೇಖನ ಸಂಕಲನಗಳನ್ನು ಬಿಡುಗಡೆ ಮಾಡಿದ್ದಾರೆ. ವೈವಿಧ್ಯಮಯತೆ, ತತ್ವ-ಸಿದ್ಧಾಂತಗಳ ಎಲ್ಲೆ ಮೀರಿ ಬರೆಯುವುದು ಇವರ ವೈಶಿಷ್ಟ್ಯ.

ಇತ್ತೀಚಿನ ಬರಹಗಳು: ಪ್ರೇಮಶೇಖರ (ಎಲ್ಲವನ್ನು ಓದಿ)

• ಇಂದು ಇಲ್ಲದಿದ್ದರೂ ಇಂದು… - ಅಕ್ಟೋಬರ್ 22, 2022
• ಗೋಧ್ರಾ ಇನ್ನೆಷ್ಟು ದೂರ? - ಮೇ 26, 2022
• ಒಂದು ಯುದ್ಧ, ಒಬ್ಬ ಖೈದಿ ಮತ್ತು ಆಕೆ - ಮಾರ್ಚ್ 4, 2022

ಗೊತ್ತೇ ಇತ್ತು ಇವಳಪ್ಪ
ಟ ಗಾಂಧಿ
ವಾದಿಯೆಂದು
ಅರಿವೂ ಇತ್ತು ಚೂರೇ
ಚೂರು ರುಚಿ
ಗೆ ತಕ್ಕಷ್ಟು ಬಜಾರಿಯೆಂದು
ನಿಮಗೂ ಗೊತ್ತೇ
ಇರಬೇಕು ಗಾಂಧಿಬಜಾರಿ
ನ ಪುಸ್ತಕದಂ
ಗಡಿಗೆ ಅಡಿ
ಗಡಿಗೆ ಹೋಗುವವಳೆಂದು.

ಬೆಳ್ಳಂಬೆಳಿಗ್ಗೆ ನನ್ನ
ಮುಂದೆ ಗೆಳತಿಯರೆಲ್ಲ
ರನು ವಾಚಾಮಗೋಚರ ಬೈದು
ಮನಸೋಇಚ್ಚೆ ಮಾನ ತೆಗೆದು
ಕಿವಿತುಂಬ ಕಿಟಿಕಿಟಿ ಅಂದು
ನನ್ನ ತಲೆಯನೆಲ್ಲ
ಲಗಾಡಿ ತೆಗೆದು
ಮಧ್ಯಾಹ್ನ ಎಲ್ಲ
ರನು ಮನೆಗೆ ಕರೆದು
ಮೂವತ್ತೆರಡೂ ಹಲ್ಲು ಕಿರಿದು
ಅತ್ತಿಂದಿತ್ತ ನಗಾಡಿ ನೆಗೆದು
ತಟ್ಡೆಗೆ ಹೋಳಿಗೆ ಪುಳಿಯೋಗರೆ
ಮೊಸರನ್ನ ಉಪ್ಪು ಉಪ್ಪಿ
ನಕಾಯಿ ಧಾರಾಳ ಸುರಿದು
ಬೀಡಾವನೂ ಇತ್ತು ಒಂದು
ಕಿಟಿ ಪಾರ್ಟಿಯೆಂದು
ಸಂ
ಭ್ರಮಿಸಿ
ದಾಗ
ಗೊತ್ತಾಯಿತು ಇಂದು
ಇವಳು ಗಾಂಧಿಬಜಾರಿಯೆಂದೂ.