- ಇಂದು ಇಲ್ಲದಿದ್ದರೂ ಇಂದು… - ಅಕ್ಟೋಬರ್ 22, 2022
- ಗೋಧ್ರಾ ಇನ್ನೆಷ್ಟು ದೂರ? - ಮೇ 26, 2022
- ಒಂದು ಯುದ್ಧ, ಒಬ್ಬ ಖೈದಿ ಮತ್ತು ಆಕೆ - ಮಾರ್ಚ್ 4, 2022
ಚಂದ್ರ
ನಿಲ್ಲದ ರಾತ್ರಿ
ಯಾಗಸದ ತುಂಬ
ನಿದ್ದೆಗಣ್ಣಿನ ಗರತಿಯರ
ಸೋಬಾನೆ ಪದದ
ಅಮವಾಸ್ಯೆಯಂತೆ
ಇಂದು.
ಇಂದು
ನಾಳೆ ಹುಟ್ಬಹುದೆಂದು
ಕಾದು ಕೂತ ಗರತಿ
ಯ ಎದೆ
ತುಂಬ ಕಲ್ಲು
ಕರಗುವ ಹೊತ್ತಿನ ಕನಸು
ಗಳ ಕೋಲ,
ಕಣ್ಣ
ವೆಗಳು ಅಲ್ಲೋಲಕಲ್ಲೋಲ.
ಹೋಗಲಿ ಬಿಡು ಬಾ ಪಕ್ಕ
ಕೂರು,
ನನಗೊಂದು ಕಥೆ ಹೇಳು-
ನಿನ್ನ ಕಾಲ್ಗೆಜ್ಜೆ
ಜರಿಲಂಗದ್ದು ಮೇಲೆದ್ದ
ಪೋನಿಟೈಲಿನದು ಕುಂಟೋ
ಬಿಲ್ಲೆ ಮೇಲೆಬ್ಬಿಸಿದ
ಹೆಬ್ಬೆರಳಿನುಗುರಿನದು
ಇಡಿಯಾಗಿ ಅಡಗಿ
ಸಲು ಮತ್ತೆಮತ್ತೆ
ಹೆಣಗಿ ಸೋಲುತ್ತಿದ್ದ ದಾವಣಿ
ಯ ನೂರೊಂದು ಲಾವಣಿ
ಮೆಡಿ
ಕಲ್ಲಂಗಡಿ ಬಟ್ಟೆಯಂ
ಗಡಿಗಳಲ್ಲಿ ಸಣ್ಣದನಿ
ಯಲಿ ಪಿಸುಗಿದ್ದು ಏನಾದರೂ
ಸರಿ ನಿನ್ನದಾಗಿದ್ದ
ರೆ ಸಾಕು.
ಕವಿತೆಯಾಗಿ
ಸಬಹುದೇ ನೋಡುತ್ತೇನೆ.
ಅಷ್ಟರಲ್ಲಿ ಕೆಂಪು
ಗಟ್ಟಬಹುದು ಮೂಡಣದಲ್ಲಿ,
ಆಮೇಲೆ ಇದ್ದೇ ಇದೆ
ಚಹಾ
ಪಾತ್
ರೆ
ಗೀತ್
ರೆ
ಜತೆಗೆ ಹೊಗೆ
ಹಾರ್ನು ಕಲ
ಬೆರಕೆ ಮೂದಲಿಕೆ ಲಸಿಕೆ
ಬಿಸಿ ಡಾಮರು
ಕಣ್ಣು
ಮೂಗು
ಬಾಯಿ
ಚಡಪಡಿಕೆ,
ಗುರು
ತಾಗದ ನೀ
ರಡಿಕೆ
ಎಲ್ಲ ಹಾದು
ಮರಳಿ ಮನೆಗೆ
ಬರುವುದಿದ್ದೇ ಇದೆ,
ನನ್ನಲ್ಲಿ ಕ
ವನವೂ ನಿನ್ನಲ್ಲಿ ಸರ
ಕೂ
ಇರುತ್ತದೆ ಕೊಟ್ಟು
ಕೊಳ್ಳಲು ಇಂದು
ಇಲ್ಲದ ಅಮಾವಾಸ್ಯೆ ಕತ್ತಲ
ನು ಎದೆಬಾಗಿಲಲ್ಲೇ
ತಡೆದು ನಿಲ್ಲಿಸಲು ನೀ
ಕಿರುನಗೆ ಹೊಮ್ಮಿಸಲು ನಾ
ಕಟ್ಟಿದ ಕವನ
ಮಾಲೆಗೆ ಎದೆಮುಡಿ
ಯೊಡ್ಡಲು.
ಸಾಕಲ್ಲವೇ ಸಖೀ ಇಷ್ಟು
ಇಂದು?
ಹೆಚ್ಚಿನ ಬರಹಗಳಿಗಾಗಿ
ವಿಶ್ವ ವಿಸ್ಮಯ
ಒಂದು ಹಲಸಿನ ಹಣ್ಣಿನ ಹಂಬಲ ಮತ್ತು ಇತರ ಪದ್ಯಗಳು
ಕವಿಯೊಬ್ಬ..