ವಸಂತ ಬಂದ ಸಂತಸ ತಂದ

• ಲೇಖಕರು
• ಇತ್ತೀಚಿನ ಬರಹಗಳು

ಮೀರಾ ಜೋಶಿ

ಶ್ರೀಮತಿ ಮೀರಾ ಜೋಶಿ ಮೂಲತಃ ಸವದತ್ತಿ ತಾಲೂಕಿನ ಗುರ್ಲಹೊಸೂರಿನವರುಶಿಕ್ಷಣ..ಬಿ ಎಸ ಸಿ,ಎಮ್ .ಎ ಹೈದರಾಬಾದ್ ಕರ್ಮಭೂಮಿ. ಸ್ವಉದ್ಯೋಗಿ .
ಮಕ್ಕಳನ್ನು ದೇಶದ ಭವಿಷ್ಯತ್ತಿನ ಸಕ್ಷಮ ಪ್ರಜೆಗಳನ್ನು ಮಾಡುವಲ್ಲಿ,ಅವರಲ್ಲಿ ನಮ್ಮ ಸಂಸ್ಕೃತಿ ಹಾಗೂ ದೇಶಭಕ್ತಿಯನ್ನು ಮೂಡಿಸುವ ದಿಶೆಯಲ್ಲಿಬೇಸಿಗೆ ಶಿಬಿರಗಳನ್ನು ನಡೆಸುವಲ್ಲಿ,ಆಸಕ್ತಿ. ಮಕ್ಕಳ ಸರ್ವತೋಮುಖ ಬೆಳವಣಿಗೆಗಾಗಿ, ಸಮಾಜಸೇವೆ ಗುರಿ. ಕವಿತೆ, ಕಥಾ ರಚನೆ ಮತ್ತು ಸಂಗೀತದಲ್ಲಿ ಆಸಕ್ತಿ.

ಇತ್ತೀಚಿನ ಬರಹಗಳು: ಮೀರಾ ಜೋಶಿ (ಎಲ್ಲವನ್ನು ಓದಿ)

• ರಾಜ ಮಹಾರಾಜ - ಜೂನ್ 27, 2021
• ವಸಂತ ಬಂದ ಸಂತಸ ತಂದ - ಏಪ್ರಿಲ್ 13, 2021
• ಮೀರಾ ಜೋಶಿ ಕವಿತಾ ವಾಚನ - ಮಾರ್ಚ್ 13, 2021

ಋತುಗಳ ರಾಜ ಬಂದ
ಸಂತಸ ಸಂಭ್ರಮ ತಂದ
ಮಾವಿನ ಮುಗಳು ಬೇವಿನ ಚಿಗುರು
ನವಿರು ವೀಜನಕೆ ತಲೆದೂಗವ ಸೊಗಸು

ವಿರಾಗಿಣಿಯಾದವಳು ಪರ್ಣಗಳ ಬಿಟ್ಟು
ಪರಿಣೀತಳಿವಳೀಗ ಹಸಿರು ಪತ್ತಲವನುಟ್ಟು
ಪ್ರಕೃತಿ ನಳ ನಳಿಸುತಿದೆ
ಹೊಸ ಹೂವ ಕಂಪು
ಕೋಗಿಲೆಯ ಕಂಠದ ಇಂಪು
ಋತುರಾಜ ಪ್ರಸರಿಸಿದ ಸೊಂಪು

ವರ್ಣ ವರ್ಣದ ಸುಮಗಳು
ಮುತ್ತುತ್ತ ಝೇಂಕರಿಸುವ ಮತ್ತಳಿಗಳು
ಹರಿತ್ತಿನಲಿ ಹಳದಿ ಕೇಸರಿ ಫಲಗಳು
ಮನೆಬಾಗಿಲಿಗೆ ಕಟ್ಟಿದ ತೋರಣ
ಬೇವು ಬೆಲ್ಲದ ಹೂರಣ
ಸುಖ ದುಃಖಗಳು ಸಮವೆಂಬ ಕಾರಣ

ಚೈತ್ರ ಮೂಡಿಸಿತು ಚಿತ್ತಾರಗಳ
ಎಲ್ಲೆಲ್ಲೂ ತುಂಬಿದೆ ಚೈತನ್ಯ
ನಡುಗಿಸಿದ ಶಾರ್ವರಿಗೆ ವಿದಾಯ
ಪ್ಲವದಲಿ ಆಶಿಸೋಣ ಅಭಯ