ಮರುಹುಟ್ಟು ಯೌವನಕೆ

• ಲೇಖಕರು
• ಇತ್ತೀಚಿನ ಬರಹಗಳು

ರಶ್ಮಿ ಭಟ್ಟ

ಮಲೆನಾಡಿನ ಮಡಿಲಾದ ಉತ್ತರಕನ್ನಡದ ಶಿರಸಿ ಸಮೀಪದ ಪುಟ್ಟ ಹಳ್ಳಿ ವಾನಳ್ಳಿ ಇವರ ಊರು.

ಬರಹ ಒಂದು ಹವ್ಯಾಸ. ಸರಳ ಬದುಕು ಇವರ ಧ್ಯೇಯ.

ಇತ್ತೀಚಿನ ಬರಹಗಳು: ರಶ್ಮಿ ಭಟ್ಟ (ಎಲ್ಲವನ್ನು ಓದಿ)

• ಮರುಹುಟ್ಟು ಯೌವನಕೆ - ನವೆಂಬರ್ 19, 2022

ಸುಕ್ಕಾದ ಚರ್ಮ ನಿಮಿಷಕ್ಕೊಂದು ಕೆಮ್ಮು
ಓಡಾಡಲು ಬೇಕು ಕೋಲಿನಾಸರೆ
ಬದುಕಿನ ಅಂಚಿನ ದಿನಗಳ
ಎಣಿಸುತಿಹಳೇ ಈ ನೀರೇ?
ಇದು ಜಗತ್ತು ನನ್ನ ಬದುಕ ನೋಡೋ ವಾಸ್ತವ

ನಾಳೆಗಳಿಗೂ ಇದೆ ಅಂದ
ಇಂದಿಗೂ ಬದುಕೊಂದು
ಸುಮಧುರ ಗಂಧ
ಸದಾ ಯೌವನೆ ನನ್ನಂತರಂಗ
ಇದು ನಾ ನೋಡೋ ನನ್ನಾತ್ಮ ವಾಸ್ತವ

ಬದುಕಲಿ ಹೊಸ ಹೊಸ ಕನಸು ಬತ್ತಿಲ್ಲ
ಕಣ್ಣಲಿ ಬದುಕ ಬೆರಗಾಗಿ
ನೋಡೋ ಸೊಬಗು ಸತ್ತಿಲ್ಲ
ನಿತ್ಯವೂ ಮರುಹುಟ್ಟು ಯೌವನಕೆ
ಸತ್ಯವೂ ಬದುಕುಂಟು ಅನುಭೂತಿಗೆ
ವಯಸ್ಸೂ ಆಯಸ್ಸೂ ಎಲ್ಲವೂ ಮಿಥ್ಯ
ಈ ಬೆಳಕ ಬದುಕಿಗೆ ಈ ಬದುಕ ಚೆಲುವಿಗೆ
ಈ ಆತ್ಮದ ಚಿಲುಮೆಗೆ