ಮೂಲತಹ ಹುಬ್ಬಳ್ಳಿಯ ದೀಪಕ್ ಕುಮಾರ್ (DAM) ಪ್ರಸ್ತುತ ಬೆಂಗಳೂರಿನಲ್ಲಿ ವೃತ್ತಿಯಿಂದಸಾಫ್ಟ್ವೇರ್ ಇಂಜಿನಿಯರ್ ಆಗಿದ್ದಾರೆ.ಯಾವುದೇ ಇಸಂ ಗೆ ಒಳಪಡದೆ ಎಲ್ಲ ದೃಷ್ಟಿಕೋನದ ಲೇಖನ ಮತ್ತು ದಾರ್ಶನಿಕ ಸಾಹಿತ್ಯದ ಓದು ಹಾಗೂ ಕವಿತೆ ರಚನೆ ಇವರ ಇಷ್ಟದ ಹವ್ಯಾಸಗಳು..
ಇತ್ತೀಚಿನ ಬರಹಗಳು: ದೀಪಕ್ ಮೇಟಿ (ಎಲ್ಲವನ್ನು ಓದಿ)
- ಕೀಲಿಮಣೆ ವೀರರು(ಕವಿತೆ) - ಅಕ್ಟೋಬರ್ 18, 2020
- ಶೂನ್ಯ - ಆಗಸ್ಟ್ 11, 2020
- ಕಾಲ - ಜೂನ್ 19, 2020
ನಾವು ವೀರರು; ನಾವು ಶೂರರು;
ಕೀಲಿಮಣೆ ಕುಟ್ಟಿ ಬರೆವ ಶಬ್ದಗಳಿಂದ
ಶತ್ರುಗಳ ನಿರ್ನಾಮ ಮಾಡುವೆವು.
ನಾವು ಮಾತ್ರ ಧರ್ಮರಾಜ.
ನಮ್ಮ ನಿಲುವು ಒಪ್ಪಿದರೆ
ದುರ್ಯೋಧನನೂ ಪಾಂಡವ,
ಒಪ್ಪದಿರೆ ಭೀಮನೂ ಕೌರವ
ಎಡದಲ್ಲೂ ನಿಂತು, ಬಲದಲ್ಲೂ ನಿಂತು
ದಿನಂಪ್ರತಿ ಬಡಿದಾಡುವೆವು
ಎಡ – ಬಲಗಳಾಚೆ ನಿಂತವರ ಮೇಲೆ
ನಾವೊಂದಾಗಿ ಮುಗಿ ಬೀಳುವೆವು
ಯಾವ ವಿಷಯವೇ ಇರಲಿ
ಕೈ – ಕಮಲದ ಕದನಕೆ ವಿಷಯಾಂತರ ಮಾಡಿ
ನಮ್ಮದೇ ಸರಿಯೆಂದು ಬಿಂಬಿಸುತ
ವಿಷಯವೇನೆಂಬುದನೇ ಮರೆಸುವೆವು
ಭ್ರಷ್ಚಾಚಾರ, ಅತ್ಯಾಚಾರ, ಮೋಸಗಳಿಂದ
ನೊಂದವರ ನಿಟ್ಟುಸಿರ ಶಾಖಕೆ
ಕಬ್ಬಿಣವು ಕರಗುವುದು
ಕರಗದು ಮಾತ್ರ ನಮ್ಮೀ ಪವಿತ್ರ ಹೃದಯ
ನಾವು ವೀರರು; ನಾವು ಶೂರರು;
ಕೀಲಿಮಣೆ ಕುಟ್ಟಿ ಬರೆವ ಶಬ್ದಗಳಿಂದ
ಶತ್ರುಗಳ ನಿರ್ನಾಮ ಮಾಡುವೆವು.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ