ಮೂಲತಃ ಇಳಕಲ್ ನವರಾದ ಡಾ. ಸದಾಶಿವ ದೊಡಮನಿ ಅವರು ಕನ್ನಡ ಪ್ರಾಧ್ಯಾಪಕರು.ಸಾಹಿತ್ಯ ಕೃಷಿಯಲ್ಲಿ ತೊಡಗಿಸಿಕೊಂಡಿರುವ ಶ್ರೀಯುತರು ತಮ್ಮ ಭಾವಪೂರ್ಣ ಕವಿತೆಗಳಿಂದ ಓದುಗರ ಮನ ಗೆದ್ದಿದ್ದಾರೆ.
ಇತ್ತೀಚಿನ ಬರಹಗಳು: ಡಾ. ಸದಾಶಿವ ದೊಡಮನಿ (ಎಲ್ಲವನ್ನು ಓದಿ)
- ಮರಳಿ ಬರುವೆ - ಫೆಬ್ರುವರಿ 21, 2021
- ಅವ್ವ ಅಳುಕದ ಅಕ್ಷರ - ಅಕ್ಟೋಬರ್ 19, 2020
ಬೆಂಕಿ- ಬಿರುಗಾಳಿಯಲಿ
ಬದುಕು ಕುದ್ದು-ಕುದ್ದು
ಅಕ್ಕ-ತಮ್ಮರ ಸಾವು
ವಾಲಾಡುವಾಗ
ಅಮ್ಮ ನೋವಿನ ಹೊಳಿ
ಕಣ್ಣೀರಿನ ಮಡಿ
ಸುಡುವ ಅಂಗಳದಲಿ
ಅನ್ನ ಕುದಿಸುತ್ತ
ಮಕ್ಕಳ ಸಲಹುತ್ತ
ಕ್ರಮಿಸಿದ ಹಾದಿ ಕಾಡು-ಮೇಡು
ಸೋತು ಸೊರಗಿದ ಧ್ವನಿಗೆ
ಅಪ್ಪನೇ ಆಸರೆಗೋಲು
ನೋವಿರಲಿ-ನಗುವಿರಲಿ
ಅವ್ವನದು ಬೆಳದಿಂಗಳ ಹಾಡು
ಅಜ್ಜನ ಆಸ್ತಿಯೆಂಬಂತೆ
ಅಮ್ಮ ನೋವನ್ನೇ
ಪಡೆದು ಬಂದಳು
ಹಿರಿಮಗಳೊಂದಿಗೆ ಗಂಡನಿಲ್ಲ
ಎಂಬ ಕೊರಗು
ಮಗಳು ತೀರಿದಳೆಂಬ ಮೊಗದೊಂದು ಕೊರಗು
ಈ ಗಾಯ ಇನ್ನೂ ಹಸಿ-ಹಸಿಯಿರುವಾಗಲೇ
ಕಿರಿಮಗ ತೀರಿದನೆಂಬುದು ತೀರಲಾಗದ ನೋವು
ಅದ-
ಉಂಡು-ಉಟ್ಟು ಮಲಗಿದಾಕೆ
ಬಂಧು- ಬಳಗಕ್ಕೆ ಬೇವಿನ ಮರ-
ದ ನೆರಳಾದಾಕೆ
ಇದ್ದಾಳೆ; ನಮ್ಮೊಂದಿಗೆ
ಮುಂದೆಯೂ ಇರುತ್ತಾಳೆ
ಕಣ್ಣ ಮುಂದಿನ ಬೆಳಕಾಗಿ
ನೆತ್ತಿ ಮೇಲಿನ ನೆರಳಾಗಿ
ಇಲಕಲ್ಲ
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ