ಹಾವೇರಿ ಜಿಲ್ಲೆಯ ಶಿಗ್ಗಾಂವ ತಾಲೂಕಿನ ಬನ್ನೂರಿನ ಸಾಹಿತ್ಯಾಸಕ್ತ ಹಾಗೂ ಯುವ ಸಾಹಿತಿ. ಕವಿತೆಗಳೆಡೆಗೆ ವಿಶೇಷ ಒಲವನ್ನು ಇಟ್ಟುಕೊಂಡವರು.
ಇತ್ತೀಚಿನ ಬರಹಗಳು: ಲಕ್ಷ್ಮಣ ಬಡಿಗೇರ (ಎಲ್ಲವನ್ನು ಓದಿ)
- ಸಂಧಿಸುವುದೇ ಬೇಡ - ಜೂನ್ 21, 2021
- ಅಡಿಗರಿಗೆ.. - ಫೆಬ್ರುವರಿ 18, 2021
- ಜಾಡಮಾಲಿಯ ಕನಸು - ನವೆಂಬರ್ 28, 2020
ಕಂಡೇ ಕಂಡಿದ್ದಾನೆ ಆ ಹುಡುಗ
ಗೂಢ ಗೂಡಿನೊಳಗಿನ ಬಿಳಿಸೋಗವ ಗುಡಿಸಲು
ಎಣ್ಣೆಯ ಕುಡಿದೂ ಬೆಳಕನು ಹೆರದ ಬತ್ತಿ- ಹಣತೆಗಳ
ಬಂದು ಬಾರದ, ಗಾಢ ಕತ್ತಲನುಳಸಿ ಹೋದ ಸಿಡಿಲು-ಮಿಂಚುಗಳ
ಹೆಗ್ಗಣ ಬಂದು ದಿಬ್ಬಣ ಓಡಿ
ಬೀದಿಯಲಿ ಬಿದ್ದ ದೇವ-ದಿಂಡಿರುಗಳ
ಹೂವರಳಿಸದೆ ಜಗಲಿಯಲಿ ಗೆದ್ದಲು ಹತ್ತಿದ ಮಂತ್ರ- ಪಠಣಗಳ
ಕರಿಬಿಳಿ ಕೋಟಿನಲಿ ಬೆವೆತು ಹರಿಯದ ಕೆಂಪು ಕಂದು ಓಟು-ನೋಟುಗಳ
‘ಮೂರ್ಖಾ’ ಬಟ್ಟೆಯ ತುಂಬ ಚೆಲ್ಲಿದ ಅಳಿಸದ ಕಲೆ-ಕಸಗಳ
ಎಲ್ಲರೆದರು ನೀರುಣಿಸಿ-ಇಲ್ಲಾದಾಗೆ ಬೇರು ಕೊಯ್ವ ಕೈ-ಕತ್ತಿಗಳ
ಅಝೆಂಡಾಗಳ ಹೊತ್ತು ಹಾರುವ ಬಣ್ಣಬಣ್ಣದ ಬಂಡ-ಝೆಂಡಾಗಳ
ಕನಸ ಕಂಡೇ ಕಂಡಿದ್ದಾನೆ ಆ ಹುಡುಗ
ಗೂಢ ಗೂಡಿನೊಳಗಿನ
ಬಿಳಿಸೋಗವ ಗುಡಿಸಲು
ಕಟ್ಟಲೊಂದು ಹೊಸ ಗುಡಿಸಲು
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ