ಅಬ್ಳಿ ಹೆಗಡೆ ಲೇಖನಾಮದ ಸುಬ್ರಹ್ಮಣ್ಯ ಹೆಗಡೆ,ಉತ್ತರಕನ್ನಡ ಜಿಲ್ಲೆಯಹೊನ್ನಾವರದವರು. ವೃತ್ತಿಯಲ್ಲಿ ಅಡಿಕೆ ಕೃಷಿ, ಪ್ರವೃತ್ತಿಯಲ್ಲಿ ಸಾಹಿತ್ಯದ ಓದು,ಬರಹ.. ಇವರ ಎರಡು ಕಿರು ಕಾದಂಬರಿಗಳು ಪ್ರಕಟಣೆಯ ಹಂತದಲ್ಲಿವೆ. ಕವಿತೆ ಇವರ ಅಚ್ಚುಮೆಚ್ಚಿನ ಸಾಹಿತ್ಯ ಪ್ರಕಾರ. ಅನೇಕ ಕವನಗಳು ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ.
ಇತ್ತೀಚಿನ ಬರಹಗಳು: ಅಬ್ಳಿ ಹೆಗಡೆ (ಎಲ್ಲವನ್ನು ಓದಿ)
- ನನ್ನ ಈ…ಮನೆ - ಜುಲೈ 25, 2022
- ಬದುಕ ಮಧ್ಯ - ಆಗಸ್ಟ್ 22, 2021
- ಒಂದು ಸ್ವಗತ - ಜೂನ್ 30, 2021
ಆಟ
ಬಾಲ್ಯದ ಆಟ-
‘ಕಣ್ಣೇ ಕಟ್ಟೆ-
ಕಾಡೇ,ಗೂಡೇ,,’
ನಡೆದಿದೆ ವೃದ್ಧಾಪ್ಯ
ದಂಚಿನ ವರೆಗೂ.
ಕಾಡು ಗೂಡಾಗಿ,
ಗೂಡು ಕಾಡಾಗಿ,
ಒಂದೊಂದು ಸಲ
ಎರಡೂ ಒಂದೇ ಆಗಿ
ವಿಪರೀತ ಕಾಡಿದಾಗ,,,
ಕಣ್ಣಕಟ್ಟಿದ ಕಪ್ಪುಪಟ್ಟಿ
ಕಳೆಯಲು ಕೊಸರಾಟ,
ಹೋರಾಟ,,,,!
ಇದೂ ಒಂಥರಾ-
ಖುಷಿಯ ಅನುಭವ,
‘ಅನುಭಾವ.’
ಆಟ ವೆಂದುಕೊಂಡಾಗ..
*****
ಹಾ…..ತೊರೆ
ನನ್ನೊಳಗ ಬೇಸಿಗೆಗೆ
ಎದೆ ತೊರೆಯು ಒಣಗೆ
ಹಾತೊರೆದು ಮಳೆಗಾಗಿ
ಕಾದಿರುವೆ ಒಳಗೆ
*****
ಬದುಕು ಬಣ್ಣ
ಖಾಲಿ ಬಿಳಿ ಹಾಳೆಯಲಿ
ಬಣ್ಣಗಳ ಲೀಲೆ.
ಬಣ್ಣವಿಲ್ಲದ ಬದುಕು
ಬರಿಯ ಬಿಳಿ ‘ಹಾಳೆ’..!
*****
ಸಿಟಿ ಬಸ್ಸು
ಕಾಲವೆಂಬುದು ರೋಡು
ಬದುಕು ಸಿಟಿಬಸ್ಸು.
ಕೊನೆಯ ನಿಲುಗಡೆ ಸೇರೆ
ಬರದು ವಾಪಸ್ಸು.
*****
ಸಂಜೆ ನೆನಪು
ಮುಂಜಾವಲರಳಿರುವ
ಕಾಡು ಹೂ ನೋಡಿ.
ಸಂಜೆ ನರಳಿದ ತಾತ
ಹಳೆ ನೆನಪು ಕಾಡಿ.
*****
ಹೆಚ್ಚಿನ ಬರಹಗಳಿಗಾಗಿ
ಪತ್ತಂಗಿ ಎಸ್ ಮುರಳಿ ಆಯ್ದ ೧೦ ಚುಟುಕುಗಳು
ಪ್ರೀತಿ
ಬಾ ವರ್ಷಧಾರೆ…