ಗಜಲ್

• ಲೇಖಕರು
• ಇತ್ತೀಚಿನ ಬರಹಗಳು

ಬಾಗೇಪಲ್ಲಿ ಕೃಷ್ಣಮೂರ್ತಿ

ಮೂಲತ: ಬಾಗೇಪಲ್ಲಿ ಯವರಾದ ಕೃಷ್ಣಮೂರ್ತಿಯವರಿಗೆ ಸಾಹಿತ್ಯ ಓದು ಮತ್ತು ಬರೆಯುವುದರಲ್ಲಿ ಅತೀವ ಆಸಕ್ತಿ. ಇವರ ಅನೇಕ ಕವಿತೆಗಳು ಹಾಗೂ ಅನುವಾದಗಳು ಪ್ರಕಟಗೊಂಡಿವೆ.

ಇತ್ತೀಚಿನ ಬರಹಗಳು: ಬಾಗೇಪಲ್ಲಿ ಕೃಷ್ಣಮೂರ್ತಿ (ಎಲ್ಲವನ್ನು ಓದಿ)

• ಗಜಲ್ - ಆಗಸ್ಟ್ 24, 2020

ಚಂದದ ಚೌಕಟ್ಟಿನಲ್ಲಿ ಕಾಣುವ ಏಕೈಕವಾದ ಬಿಂಬ
ಒಡೆದ ಚೂರುಗಳಲಿ ಕಾಣಲು ಅನೇಕವಾದ ಬಿಂಬ

ಅನುಜರಿಗೆ ಯಾರಿಗೂ ಕಣ್ ಸೆರೆಯಾಗದೆ ಹೋದದ್ದು
ಪಾರ್ಥಗೆ ದಕ್ಕಿತಾ ಹಕ್ಕಿಯ ಕಣ್ಣಿನ ನಿಖರವಾದ ಬಿಂಬ

ಶಬ್ಧದಲೆಗಳಲಿ ಸಾಕಾರವಾಯ್ತು ಅದು ಏಕಲವ್ಯಗೆ
ಅಗೋಚರದ ಬೇಟೆ ಪ್ರಾಣಿಯ ಖಚಿತವಾದ ಬಿಂಬ

ಪುಟ್ಟ ಎಳೆ ಮೊಲದ ಬುದ್ಧಿಯಲಿ ಚತುರತೆ ಅಡಗಿತ್ತು
ಸಿಂಹ ಎಂದೂ ನೋಡದ ತನ್ನ ಪ್ರತಿಫಲಿತವಾದ ಬಿಂಬ

ಬಿಂಬಜ್ಞಾನದ ಮಹತ್ವವ ಹೇಗೆ ಅರುಹಲಿ ಮಂಕೇ
ಆದಿಮಾನವ ಅರ್ಥೈಸಿಕೊಳ್ಳಲು ಅನುವಾದ ಬಿಂಬ..