ಗಾಂಧಿಜೀ ಮತ್ತು ಸ್ವಾತಂತ್ರ್ಯ (ಮಕ್ಕಳ ಕವಿತೆ)

• ಲೇಖಕರು
• ಇತ್ತೀಚಿನ ಬರಹಗಳು

ಯಮುನಾ ಕಂಬಾರ

ಬೆಳಗಾವಿಯ ರಾಮದುರ್ಗ ದವರಾದ ಶ್ರೀಮತಿ ಯಮುನಾ ಕಂಬಾರ ರವರು ಮುಖ್ಯೋಧ್ಯಾಪಕರಾಗಿ ನಿವೃತ್ತರಾಗಿದ್ದಾರೆ. An anthology: An Orphan Of Iraq
And An anthology: My shadow ಇವರ ಪ್ರಕಟಿತ ಇಂಗ್ಲಿಷ್ ಕೃತಿಗಳು.ಕನ್ನಡದಲ್ಲಿ : ಕಥಾ ಸಂಕಲನ: ಎರಡು ಫೈಲುಗಳ ನಡುವೆ, ಪ್ರೀತಿ ಅಂದರೆ-ಕವನ ಸಂಕಲನ. ಕಥೆ,ಕವಿತೆ,ವಿಮರ್ಶೆಗಳು ಪತ್ರಿಕೆಗಳಲ್ಲಿ ಪ್ರಕಟವಾಗುತ್ತಿವೆ.

ಇತ್ತೀಚಿನ ಬರಹಗಳು: ಯಮುನಾ ಕಂಬಾರ (ಎಲ್ಲವನ್ನು ಓದಿ)

• ಕಪ್ಪಿನ ನಂಬಿಕೆ-ಭಾಮಿನಿ ಷಟ್ಪದಿಯ ಪದ್ಯ - ನವೆಂಬರ್ 23, 2023
• ಕರ್ಮದ ಧರ್ಮ - ಅಕ್ಟೋಬರ್ 24, 2023
• 99099 - ನವೆಂಬರ್ 20, 2022

ತುಂಡು ಬಟ್ಟೆಯ ; ಸರಳ ಜೀವನ,
ದುಡಿಮೆ ಬಾಳಿನ ಕೀರ್ತಿಯು.
ಮಾತು ಮೌನವು ; ಅರಿತು ಆಡಲು,
ಅಸ್ತ್ರ ಮಾಡಿದ ದೀಪ್ತಿಯು.

ಗಿಡವು ಬಾಗದ ; ಹಠದ ನಿಲುವಿಗೆ,
ಸಹನೆ ಮಂತ್ರದ ಪಾಠವು.
ಸರಳ ಚಳುವಳಿ ; ಶಾಂತಿ ಪಥದಲಿ,
ನಡೆಯ ಕೊಲ್ಲುವ ನೀತಿಯು .

ಅಡಿಯು ಮುಡಿಯನು ; ಅರಿಯೆ ಬಿಳಿಯರು,
ಇಲ್ಲ ಸಲ್ಲದ ಕಾಯ್ದೆಯು.
ಹೊಂಚು ಹಾಕುತ ,ನಿಧಿಯ ದೋಚುತ ;
ದಾಸ್ಯ ಬದುಕಿನ ರೀತಿಯು.

ಹಗಲು ಹರಿಯದ ; ರಾತ್ರಿ ಬೆಳಗದ,
ಕೆಂಪು ಮೂತಿಯ ಕಿರುಕುಳ !
ಚಿನ್ನ ನಾಡಲಿ ; ಅನ್ನ ಸಿಗದೇ ,
ಜನರ ಜೀವನ ಥಳಮಳ!!

ನಾಡ ಹಿರಿಯರು ; ನರಳಿ ನವೆದರು
ನಾಡ ದೇವಿಯ ಬೇಡುತ..!
ಹಠದಿ ಛಲದಲಿ ; ಸಹನೆ ತಾಳುತ,
ಅನ್ನ ಋಣಕೆ ಬಾಗುತ….!!

ಲಾಠಿ ಏಟನು ; ಬೂಟ ಒದೆತವ,
ತಿಂದು ನಕ್ಕರು ದೇಶಕೆ….!
ನಾವು ಎಲ್ಲರು ; ಒಂದೇ ಎನ್ನುವ ,
ಶಸ್ತ್ರ ಕೊಟ್ಟರು ಲೋಕಕೆ…..!!