ಚಾಪ್ಲಿನ್ ನೆನಪಾಗಿ..

• ಲೇಖಕರು
• ಇತ್ತೀಚಿನ ಬರಹಗಳು

ಜಬೀವುಲ್ಲಾ ಎಂ. ಅಸದ್

ಆರೋಗ್ಯ ಕ್ಷೇತ್ರದಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಜಬಿ ಅವರಿಗೆ ಕಲೆ ಮತ್ತು ಸಾಹಿತ್ಯದಲ್ಲಿ ಅಪಾರ ಆಸಕ್ತಿ. ಇವರ ಕವಿತೆ,ಗಜ಼ಲ್ ಮತ್ತು ಭಾವಕ್ಕೆ ತಕ್ಕಂತೆ ಬಿಡಿಸುವ ಕಲಾಕೃತಿ ಬೆರಗುಗೊಳಿಸಬಲ್ಲುದು. ಇತ್ತೀಚೆಗೆ ಇವರ ಆಕಾಶವಾಣಿ ಸಂದರ್ಶನವೂ ಪ್ರಕಟವಾಗಿದೆ.
ಪ್ರಕಟಿತ ಕೃತಿ: ಏಕಾಂಗಿಯ ಕನವರಿಕೆಗಳು(ಕವನ ಸಂಕಲನ)

ಇತ್ತೀಚಿನ ಬರಹಗಳು: ಜಬೀವುಲ್ಲಾ ಎಂ. ಅಸದ್ (ಎಲ್ಲವನ್ನು ಓದಿ)

• ಮೈಖೇಲ್ ಜಾಕ್ಸನ್ ಎಂಬ ಲೋಕ ಕಂಡ ಮಾಂತ್ರಿಕ - ಡಿಸಂಬರ್ 21, 2021
• ಪ್ರೀತಿ ಹಂಚುತ ಸಾಗು - ನವೆಂಬರ್ 24, 2021
• ನನ್ನ ಕವಿತೆಗಳಿಗೊಂದಷ್ಟು ಜಾಗ ನೀಡಿ - ನವೆಂಬರ್ 3, 2021

ಚಿತ್ರ ಮತ್ತು ಬರಹ : ಜಬಿವುಲ್ಲಾ ಎಂ. ಅಸದ್..

ಇಂದು ಚಾಪ್ಲಿನ್ ನೆನಪಾದ, ತುಂಬಾ…. ಎಂದಿಲ್ಲದಂತೆ ನೆನಪಾದನು. ಕಾರಣ ಇಂದು ಕೇವಲ ಚಾರ್ಲಿ ಎಂಬ ಪಾತ್ರದ ಮುಖಾಂತರ ಮನಸೂರೆಗೊಂಡವನು, ಲೋಕದ ಡೊಂಕನ್ನು ತಂಬ ಅಭಿನಯದ ಮೂಲಕ ವಿಡಂಬಿಸಿದವನು, ನಮ್ಮೆಲ್ಲರ ಪ್ರೀತಿಗೆ ಪಾತ್ರನಾದವನು, ನಗುವಿಗೆ ಹೊಸತೊಂದು ಭಾಷ್ಯ ಬರೆದವನು, ಜಗತ್ತಿಗೆ ನಗುವುದಕ್ಕೆ ಕಾರಣನಾದವನು, ನಗುವುದನ್ನು ಮರೆತವರಿಗೆ ನಗಲು ಮತ್ತೆ ನೆನಪಿಸಿದವನು, ನಗಲು ಪ್ರೇರೇಪಿಸಿದವನು…. ಕೊನೆಗೆ ತನ್ನ ನಗುವನ್ನೇ ಇಡೀ ಜಗತ್ತಿಗೆ ಹಂಚಿ, ಕಾಣಿಕೆಯಾಗಿ ಕೊಟ್ಟು ಇನ್ನೆಂದೂ ಬಾರದಂತೆ ನಮ್ಮ ನಡುವಿನಿಂದ ಎದ್ದು ಏಕಾಂಗಿಯಾಗಿ ಅದೆಲ್ಲಿಗೊ ಸುಪ್ತ ಲೋಕಕ್ಕೆ ಹೊರಟು ಹೋಗಿಬಿಟ್ಟನಲ್ಲ, ಕೆಲವೆ ಕೆಲ ಜನರ ನಡುವೆ, ಹನಿಯುತ್ತಿದ್ದ ಮಳೆ ಹನಿಗಳ ನಡುವೆ, ಆ ಪುಟ್ಟ ಸ್ಮಶಾನದ ಕತ್ತಲ ನಿರವತೆಯಲ್ಲಿ….ಅದೆಷ್ಟು ನೊಂದಿದ್ದನವನು! ತಾನು ಬಯಸಿದ್ದೆಲ್ಲವನ್ನು ಕಳೆದುಕೊಂಡವನು —- ಅವನ ಬದುಕೇ ಒಂದು ಮುಚ್ಚಿದ ಹೊತ್ತಿಗೆ!

ನೆನಪಾದದ್ದು ಕೇವಲ ಚಾರ್ಲಿಯ ನಗುವಲ್ಲ, ಅವನ ನೋವು ಸಹ. ಬರಿ ನಟನೆಯಲ್ಲ ಬದುಕು ಸಹ. ಹುಸಿ ನಗುತ್ತಲೆ ನಿಜದ ನೋವನ್ನು ನುಂಗುತ್ತಿದ್ದವನ ಮನಸ್ಸಾದರೂ ಎಂತಹದ್ದಿರಬೇಕು?!ಮನಸ್ಸು ದುಃಖದ ಜಲಪಾತದ ಮುಂದಣ ಕೈಕಟ್ಟಿ, ಬಾಯಿ ಮುಚ್ಚಿ, ಗಲಾಟೆ ಮಾಡದ ಮಗುವಾಗಿ ಕುಂತಾಗ, ಬೇಸರವೆಂಬುದು ಮೊಡಗಟ್ಟಿ ಗುಡುಗಿದಾಗ, ವಿಷಣ್ಣತೆಯ ಝರಿಯಲ್ಲಿ ಕಾಲು ಇಳಿ ಬಿಟ್ಟು ಮೌನದಿ ಕೂತಾಗ ಮಾತ್ರ ಚಾಪ್ಲಿನ್ ಹೇಳಿದಂತಹ ನೋವಿನ ಮಧುರ ಮಾತುಗಳು ಅಂತರಂಗದಿಂದ ಹೊರಬರಲು ಸಾಧ್ಯವೇನೊ?!

ನಮ್ಮೆಲ್ಲರ ಪ್ರೀತಿಯ ಚಾರ್ಲಿ ಚಾಪ್ಲಿನ್ ಹೇಳುತ್ತಾನೆ: “ಜೋರಾಗಿ ಸುರಿವ ಮಳೆಯಲ್ಲಿ ಸಂಪೂರ್ಣ ನೆನೆಯುತ್ತ ನಡೆಯುವುದೆಂದರೆ ನನಗೆ ಖುಷಿಯೋ ಖುಷಿ, ಯಾಕೆಂದರೆ ಆಗ ನಾನು ಅಳುವುದು, ಕಂಬನಿಗೆರೆಯುವುದು ಯಾರಿಗೂ ಗೊತ್ತಾಗುವುದಿಲ್ಲ; ಕಾಣುವುದಿಲ್ಲ, ಮಳೆ ಸುರಿದು ಸುಮ್ಮನಾಗುತ್ತದೆ; ನಾನು ಹಾಗೆ! ಅತ್ತು ಅತ್ತು ಸುಮ್ಮನಾಗುತ್ತೇನೆ.”

Anyway,Happy birthday dear… “CHARLIE”We miss you.

◼️ ಜಬೀವುಲ್ಲಾ ಎಮ್. ಅಸದ್.