ಸರ್ವಂ ಲಕ್ಷ್ಮೀ ಮಯಂ

• ಲೇಖಕರು
• ಇತ್ತೀಚಿನ ಬರಹಗಳು

ರಾಜೇಶ್ವರಿ ವಿಶ್ವನಾಥ್

ಇವರು ಹಾಸನದಲ್ಲಿ ಗೃಹಿಣಿ. ಸಾಹಿತ್ಯ ಓದುವುದು, ಬರೆಯುವುದು ಇವರ ಆಸಕ್ತಿ. ನಮ್ಮ ಸಂಸ್ಕಾರ ನಮ್ಮ ಸಂಸ್ಕೃತಿ ಇದರ ಶೀರ್ಷಿಕೆಯಲ್ಲಿ ಹಬ್ಬಗಳ ಬಗ್ಗೆಇವರು ಬರೆದ ಲೇಖನಗಳು ಪ್ರಿಯಾಂಕಾ, ಗೃಹಶೋಭಾ, ಸುಧಾ,ಹಾಗೂ ಪ್ರಜಾವಾಣಿ, ಜನತಾ ಮಾಧ್ಯಮ​, ಜನಮಿತ್ರ ಪತ್ರಿಕೆಗಳಲ್ಲಿ ಪ್ರಕಟವಾಗಿದೆ. ಕೆಲವು ಲಲಿತ ಪ್ರಬಂಧಗಳನ್ನೂ ಬರೆದಿದ್ದಾರೆ. ಮತ್ತೊಂದು ಹವ್ಯಾಸವೆಂದರೆ ಹಿರಿಯರ ನುಡಿ ಮುತ್ತುಗಳು, ಸುಭಾಷಿತ ಗಳನ್ನು ಐದುಸಾವಿರಕ್ಕೂ ಹೆಚ್ಚು ಸಂಗ್ರಹಮಾಡಿದ್ದಾರೆ. ನಮ್ಮ ಆರೋಗ್ಯ ನಮ್ಮ ಕೈಯಲ್ಲೆ ಇದೆಇದರ ಶೀರ್ಷಿಕೆಯಲ್ಲಿ, ಆಹಾರದಲ್ಲಿ ಆರೋಗ್ಯ ಲೇಖನಗಳನ್ನು ಬರೆದಿದ್ದಾರೆ.ಟಿವಿಯಲ್ಲಿ ಅಡಿಗೆ ಕಾರ್ಯಕ್ರಮದಲ್ಲಿ ಭಾಗವಹಿಸುವುದು, ಕ್ವಿಜ್ ಗಳಲ್ಲಿ ಭಾಗವಹಿಸುವುದು, ಹಾಡು ಕೇಳುವುದು ಹಾಡು ಹೇಳುವುದು ತುಂಬಾ ಇಷ್ಟ.

ಇತ್ತೀಚಿನ ಬರಹಗಳು: ರಾಜೇಶ್ವರಿ ವಿಶ್ವನಾಥ್ (ಎಲ್ಲವನ್ನು ಓದಿ)

• ಕವಿಗಳು ಕಂಡ ಸಂಭ್ರಮದ ಯುಗಾದಿ. - ಏಪ್ರಿಲ್ 9, 2024
• ವಿಜಯದಶಮಿ ರೈತರ “ಬನ್ನಿ ಹಬ್ಬ” - ಅಕ್ಟೋಬರ್ 24, 2023
• ಮುನ್ನಡೆಯುವ ಹಕ್ಕು ಮಹಿಳೆಯರಿಗೂ ಇದೆ - ಮಾರ್ಚ್ 8, 2023

ಶ್ರಾವಣ ಮಾಸ ಅತ್ಯಂತ ಮಹತ್ವದ ಶುಭದಾಯಕ ಮಾಸ. ಈ ಮಾಸದಲ್ಲಿ ನಿಸರ್ಗವು ಮೈದುಂಬಿಕೊಂಡಿರುವದಲ್ಲದೆ, ಹಬ್ಬ-ಹರಿದಿನಗಳು ಹೆಚ್ಚಾಗಿ ಕಾಣಿಸಿಕೊಳ್ಳುವುದು ಇದೇ ಮಾಸದಲ್ಲಿ. ಈ ಹಬ್ಬಗಳು ಪ್ರಕೃತಿಯ ಕುರಿತು ಶ್ರದ್ಧೆ ಹಾಗೂ ಮಾನವೀಯ ಬಾಂಧವ್ಯ ದಂತಹ ಅನೇಕ ನೈತಿಕ ಮೌಲ್ಯಗಳಿಗೆ ಸ್ಫೂರ್ತಿ ಒದಗಿಸುತ್ತದೆ. ಇದಕ್ಕೆ ಇನ್ನಷ್ಟು ಮೆರಗು ನೀಡಲೆನ್ನುವಂತೆ ಕಾಣಿಸಿಕೊಳ್ಳುವ ಕಾಮನಬಿಲ್ಲುಗಳು, ಸುವಾಸನೆ ನೀಡುವ ಹೂಗಳು, ಗಾಳಿ ಮಳೆಗಳು, ನೀರ್ಬುಗ್ಗೆಗಳು ಒಟ್ಟಾಗಿ ಇವೆಲ್ಲವೂ ಶ್ರಾವಣ ಮಾಸಕ್ಕಿದೆ.
ತ್ರಿವೇಣಿ ಸಂಗಮ.
ಶ್ರಾವಣ ಮಾಸದ ಇಡೀ ತಿಂಗಳು ಹಬ್ಬಗಳ ಸಂಭ್ರಮದಲ್ಲಿಯೇ ಮಹಿಳೆಯರು ತಮ್ಮನ್ನು ತೊಡಗಿಸಿಕೊಳ್ಳುತ್ತಾರೆ. ಈ ಹಬ್ಬದ ಆಚರಣೆಯಲ್ಲಿ ಸಡಗರ,ಸಂತಸ, ಶಾಂತಿ,ತಾಳ್ಮೆಗಳನ್ನು ಹೆಚ್ಚಿಸುತ್ತದೆ. ಉದ್ವಿಗಗೊಂಡ ಮನಸ್ಸು, ದೇವರ ಜ್ಞಾನ, ಭಕ್ತಿ, ಪೂಜೆ, ತನ್ಮಯತೆ, ಶಾಂತಿಗಳತ್ತ ಹರಿಯುತ್ತದೆ. ಹಬ್ಬಗಳು ಭಕ್ತಿ,ಜ್ಞಾನ,ಕರ್ಮಗಳ ತ್ರಿವೇಣಿ ಸಂಗಮ.
ಶ್ರಾವಣ ಮಾಸದಲ್ಲಿ ಶ್ರೀ ವರಮಹಾಲಕ್ಷ್ಮಿ ಪೂಜೆ ಬಹುಮುಖ್ಯವಾದದ್ದು. ಈ ವ್ರತವು ಶುಕ್ರವಾರ ದಿನವೇ ಬರುತ್ತದೆ. ಗೃಹಣಿಯರು ತಮಗೆ ಸಕಲ ಸೌಭಾಗ್ಯ ನೀಡಲೆಂದು ಅಧಿದೇವತೆಯಾದ ಶ್ರೀ ವರಮಹಾಲಕ್ಷ್ಮಿ ದೇವಿಯನ್ನು ಪೂಜೆಯ ಮಾಡುವ ದಿನ.

ವರಗಳನ್ನು ಕೊಡುವ ದೇವಿ.
ಶ್ರೀ ವರಮಹಾಲಕ್ಷ್ಮಿ ವ್ರತ ಹೆಸರನ್ನೇ ಸೂಚಿಸುವಂತೆ ವರಗಳನ್ನು ಕೊಡುವ ಲಕ್ಷ್ಮೀದೇವಿಯ ವ್ರತ. ಈ ವ್ರತವು ಐಶ್ವರ್ಯ ಪ್ರದನವಾದದ್ದು. ಮನೆಯಲ್ಲಿ ಲಕ್ಷ್ಮಿಯನ್ನು ಪ್ರತಿನಿತ್ಯ ಪೂಜೆ ಮಾಡಿದರೂ, ವಿಶೇಷವಾಗಿ ವರ್ಷಕ್ಕೆ ಎರಡು ಬಾರಿ ಮಾತ್ರ ಆಚರಿಸುತ್ತಾರೆ. ಶ್ರಾವಣ ಹಾಗೂ ಕಾರ್ತಿಕಮಾಸದಲ್ಲಿ ಶ್ರದ್ಧಾಭಕ್ತಿಯಿಂದ ಮನೆ ಮಂದಿಯಲ್ಲಾ ಕೂಡಿ ಆಚರಿಸುವ ಲಕ್ಷ್ಮಿ ಪೂಜೆಯನ್ನು ನಿರ್ದಿಷ್ಟ ದಿನಗಳಂದು ನಡೆಸುತ್ತಾರೆ.
ವರಮಹಾಲಕ್ಷ್ಮಿ ವ್ರತವನ್ನು ಶ್ರಾವಣಮಾಸದಲ್ಲಿ ಶುಕ್ಲಪಕ್ಷದ ಪೂರ್ಣಿಮಾ ದಿನದ ಹಿಂದಣ ಶುಕ್ರವಾರ ಸಾಮಾನ್ಯವಾಗಿ ಅಂದರೆ ಎರಡನೇ ಅಥವಾ ಮೂರನೇ ಶುಕ್ರವಾರ ವ್ರತವನ್ನು ಆಚರಿಸುತ್ತಾರೆ. ಆದರೂ ಶ್ರಾವಣ ಶುಕ್ಲ ಪಕ್ಷದ ಇತರ ಶುಕ್ರವಾರಗಳಲ್ಲಿಯೂ ವ್ರತವನ್ನು ಆಚರಿಸಬಹುದು.
ದೇವಿ ಮಂತ್ರೋಪಾಸನೆ.
ಮನುಷ್ಯ ತನ್ನ ನಿತ್ಯ ಜೀವನದ ಹೋರಾಟದಲ್ಲಿ ಅನೇಕ ಕೋರಿಕೆಗಳನ್ನು ಸಾಧಿಸಿಕೊಳ್ಳುವ ಉದ್ದೇಶದ ಹಾದಿಯಲ್ಲಿ ಅನೇಕ ಅಡೆ-ತಡೆಗಳನ್ನು ಎದುರಿಸಬೇಕಾಗಿ ಬರುತ್ತದೆ. ಇಂಥ ವ್ಯತಿರೇಕ ಪ್ರಭಾವಗಳನ್ನು ದಾಟಿ ಸಾಧನೆ ಮಾಡಲು ಉತ್ತಮ ಹಾಗೂ ಸುಲಭಮಾರ್ಗ ಪೂಜೆ ಮಂತ್ರೋಪಾಸನೆ.
“ಧನು ಮೂಲಂ ಇದಂ ಜಗತ್”ಎಂಬಂತೆ, ದನದ ಮೇಲಿನ ಅವಲಂಬನೆ ಎಲ್ಲರಿಗೂ ಅನಿರ್ವಾಯವಾಗಿದೆ. ಧನಾರ್ಜನೆಗೆ ಮಹಾಲಕ್ಷ್ಮಿಯ ಕೃಪಾಕಟಾಕ್ಷ ಅಗತ್ಯ. ಆಕೆಯ ಅನುಗ್ರಹ ಪಡೆಯುವುದು ಅಷ್ಟೇನೂ ಕಷ್ಟದ ವಿಷಯವೇನಿಲ್ಲ. ನಿರ್ಮಲ ಮನಸ್ಸಿನಿಂದ ಆಕೆಯ ಮಂತ್ರ, ಸ್ತೋತ್ರ, ಮೂಲ ಮಂತ್ರಗಳ ಜಪದಿಂದ ಆಕೆಯನ್ನು ಸುಲಭವಾಗಿ ಉಳಿಸಿಕೊಳ್ಳಬಹುದು.
ಲಕ್ಷ್ಮಿಯನ್ನು ಒಲಿಸಿಕೊಳ್ಳಬೇಕಾದರೆ ಲಕ್ಷ್ಮಿಯ ಸ್ವರೂಪ, ಅವತರಣೆ, ಗುಣ ಸ್ವಭಾವ, ಸ್ಥಾನಮಾನ ತಿಳಿಯಬೇಕು. ಪ್ರತಿಯೊಂದು ಹಬ್ಬದ ಆಚರಣೆಯ ಹಿಂದೆ ತನ್ನದೇ ಆದ ಚಾರಿತ್ರಿಕ ಹಿನ್ನೆಲೆಯಿದೆ.ಈ ಹಬ್ಬದ ಹಿನ್ನೆಲೆಯನ್ನು ಅರಿತುಕೊಂಡಾಗಲೇ ಹಬ್ಬಕ್ಕೆ ಮಹತ್ವ ಬರುವುದು.ಅಂತೆಯೇ ವರಮಹಾಲಕ್ಷ್ಮಿ ಹಬ್ಬದ ಹಿನ್ನೆಲೆಯೂ ರೋಚಕವಾದದ್ದು.

ಶ್ರೀ ಮಹಾಲಕ್ಷ್ಮೀಯ ವರ್ಣನೆ.
ಶ್ರೀ ವರಮಹಾಲಕ್ಷ್ಮಿ ದೇವಿ ಎಂದರೆ ಸಂಪತ್ತನ್ನು ಪ್ರಸಾದಿಸುವ ದೇವತೆಯಂದೇ ಅನೇಕರ ನಂಬಿಕೆ. ಶ್ರೀ ಮಹಾಲಕ್ಷ್ಮಿ ದಿವ್ಯರೂಪ ವರ್ಣನೆ ಪ್ರಕಾರ, ಲಕ್ಷ್ಮೀ ಜನನ ಪಾಲ್ಗುಣ ಹುಣ್ಣಿಮೆಯನ್ನು ಜನಿಸಿದ ತಿಥಿಯಂದು ಹೇಳಲಾಗುತ್ತದೆ. ಪುರಾಣಗಳ ಪ್ರಕಾರ ಲಕ್ಷ್ಮೀದೇವಿ ಜನನ ದೀಪಾವಳಿ ಪರ್ವದಿನ ಆದುದೆಂದು ಹೇಳುತ್ತಾರೆ. ಶರತ್ಕಾಲದ ಚಂದ್ರಕಾಂತಿ ಯಂಥ ಕಿರುನಗೆ, ಅರಳಿದ ಕಪ್ಪು ನೈದಿಲೆಯಂಥ, ಕಣ್ಣುಗಳು,ಪದ್ಮದಂಥ ಸುಂದರವಾದ ಮುಖ, ಬಂಗಾರ ಹಳದಿ ಬಣ್ಣಗಳ ಮೇಳೈಸಿದಂತೆ ಮೈಧಾಯೆ, ಕಮಲಗಳು,ಆಹಾರಧಾನ್ಯಗಳು ಬಂಗಾರ ತುಂಬಿರುವ ಪಾತ್ರೆಗಳು ಧರಿಸುವ ನಾಲ್ಕು ಕೈಗಳು, ಕೆಂಪು,ಎಲೆ ಹಸಿರು ಪಿತಾಂಬರ, ಅಮೂಲ್ಯವಾದ ಆಭರಣಗಳು ಧರಿಸಿ ಪದ್ಮಾಸನದ ಮೇಲೆ ಕಂಗೊಳಿಸುತ್ತಾ ಹೊಳೆಯುವ ದೇವಿ ಈಕೆ.
ಲಕ್ಷ್ಮಿಯ ನಾಮಗಳು.
‌‌ ಸಕಲ ಸಂಪತ್ತುಗಳನ್ನು ‍‌‌‍‌‌ ನೀಡಿ ಮಾನವರಿಗೆ ಸಂತೋಷಕರ, ಮಂಗಳದಾಯಕ ಜೀವನವನ್ನು ಅನುಗ್ರಹಿಸುವ ಶ್ರೀ ಮಹಾಲಕ್ಷ್ಮಿಗೆ ನಾಮಗಳು ಸಾವಿರಾರು. ಅವು ಶ್ರೀದೇವಿ, ಅಮೃತೋದ್ಬವ,ಕಮಲಾಕ್ಷಿ, ಲೋಕಸುಂದರಿ, ವಿಷ್ಣುಪತ್ನಿ, ಶ್ರೀ ವೈಷ್ಣವೀ,ವರಾಹಿ,ಹರಿವಲ್ಲಭಾ, ನರಸಿಂಹೇ, ದೇವದೇವತಾ, ಮಹಾಲಕ್ಷ್ಮಿ, ಭುವನೇಶ್ವರಿ ಹೀಗೆ ಒಂದೊಂದು ನಾಮದಲ್ಲೂ ದಿವ್ಯಶಕ್ತಿ ಅಡಗಿದೆ. ದಿನನಿತ್ಯ ಈ ನಾಮಗಳನ್ನು ಭಕ್ತಿಯಿಂದ ಪಠಿಸಿದರೆ ಐಶ್ವರ್ಯದೇವತೆ ಶ್ರೀಲಕ್ಷ್ಮಿ ದೇವಿ ಅನುಗ್ರಹದಿಂದ ಸಕಲ ಸೌಭಾಗ್ಯಗಳೂ, ಪ್ರಾಪ್ತವಾಗುತ್ತದೆ ಕಾವ್ಯಗಳಲ್ಲಿ, ಪುರಾಣಗಳಲ್ಲಿ ಕಾಣುವ ಹೆಸರುಗಳು ಪದ್ಮಲಯಾ, ಶ್ರೀಲಕ್ಷ್ಮೀ, ಹರಿಪ್ರಿಯ, ಲೋಕಮಾತಾ, ಮಂಗಳ ದೇವತೆ, ಸಿರಿ, ದ್ರಾಕ್ಷಾಯಿಣೀ, ವಿಷ್ಣುವಲ್ಲಭ, ಆದಿತ್ಯ ವರ್ಣೇ…. ಹೀಗೆ ಒಂದೊಂದು ಹೆಸರಿನಲ್ಲೂ ಭಕ್ತಿ,ಭಾವ, ಚೈತನ್ಯದಿಂದ ತುಂಬಿದೆ. “ಶ್ರೀ”ಎಂಬ ಏಕಾಕ್ಷರವು ಲಕ್ಷ್ಮೀದೇವಿಗೆ ಅಪೂರ್ವ ಹೆಸರು. ಹಾಗೆ ಲಕ್ಷ್ಮಿಯ ಒಂದೊಂದು ಅಷ್ಟೋತ್ತರ ದಲ್ಲಿ ದಿವ್ಯಶಕ್ತಿಯನ್ನು ಹೊಂದಿದ್ದು ಭಕ್ತಿ, ಜ್ಞಾನ, ಐಶ್ವರ್ಯ, ಆರೋಗ್ಯ ಎಲ್ಲವೂ ಲಭಿಸುತ್ತದೆ.
“ಯಾದೇವೀ ಸರ್ವಭೂತೇಷು ಲಕ್ಷ್ಮೀರೂಪೇಣ ಸಂಸ್ಥಿತಾ”ಎಂಬ ಸಪ್ತಶತಿ ಶ್ಲೋಕವಿದೆ. ಭೂತ ಕೋಟಿ ಎಲ್ಲದರಲ್ಲೂ ಲಕ್ಷ್ಮಿ ಇದ್ದರೇನೆ ಚೈತನ್ಯ. ಪ್ರತಿ ಶ್ರೇಷ್ಠ ವಸ್ತುವಿನಲ್ಲೂ ಲಕ್ಷ್ಮಿಯನ್ನು ಕಾಣಬೇಕೆಂದು ನಮ್ಮ ಋಷಿಗಳು ಮೊದಲೇ ಹೇಳಿದ್ದಾರೆ.
ನಾವು ಕೇವಲ ಹಣವನ್ನಷ್ಟೇ “ಲಕ್ಷ್ಮೀ” ಎನ್ನುತ್ತೇವೆ. ಲಕ್ಷ್ಮಿ ಧನ ಸ್ವರೂಪಳೇನೋ ನಿಜ. ಆದರೂ ಅದೇ ಆ ತಾಯಿಯ ರೂಪ ಅಲ್ಲ. ಅನಂತಾನಂತ ವಿಭೂತಿ ಗಳಲ್ಲಿ ಅದು ಒಂದು ಅಂಶವಷ್ಟೇ. ಆಕೆ “ಮೋಕ್ಷ ಲಕ್ಷ್ಮೀ”ಯೂ ಆಗಿದ್ದಾಳೆ.ಈ ಸೃಷ್ಟಿಯಲ್ಲಿ ಉನ್ನತವಾದುದನ್ನು “ಭಗವಂತನ ವಿಭೂತಿ” ಎಂದಿದ್ದಾರೆ. ಆ ವಿಭೂತಿಗಳ ಸಮೈಕ ರೂಪವೇ ಮಾಹಾಲಕ್ಷ್ಮೀ. ಅದಕ್ಕೆ ‘ವಿಭೂತಿ’ ಎಂಬುದು ಲಕ್ಷ್ಮಿ ನಾಮಗಳಲ್ಲಿ ಒಂದು.
ಸರ್ವಂ ಲಕ್ಷ್ಮಿ ಮಯ.
ಲಕ್ಷ್ಮಿ ಐಶ್ವರ್ಯ ದಾಯಿನಿಯಾದ್ದರಿಂದ ಸಂಪತ್ತುಗಳ ಜೊತೆಗೆ ವಿದ್ಯೆ, ಭಕ್ತಿ ,ಪ್ರೀತಿ, ಜ್ಞಾನ ಮುಂತಾದುವುಗಳನ್ನು ಅನುಗ್ರಹಿಸುತ್ತಾಳೆ. ಜಗತ್ತಿನ ಪ್ರತಿಯೊಂದು ವಸ್ತು,ಪ್ರಾಣಿ ಎಲ್ಲದಕ್ಕೂ ಅದರದೇ ಆದ ಗುಣಲಕ್ಷಣಳು ಇರುತ್ತದೆ. ಅದರ ಲಕ್ಷಣವೇ ಐಶ್ವರ್ಯ. ಇಂದ್ರಿಯಗಳಿಗೆ ಆಯಾ ಐಶ್ವರ್ಯಗಳನ್ನು ಕೊಟ್ಟಿದ್ದು ಆತ್ಮ ಚೈತನ್ಯಮಯಯ ಲಕ್ಷ್ಮಿ.ಹಾಗೆ ಭಗವತಿಯ ಅನಂತ ರೂಪಗಳಲ್ಲಿ ಮುಖ್ಯವಾದ ರೂಪಗಳು ಮೂರು. ಮಹಾಕಾಳೀ ಮೊದಲನೆಯದು, ಮಹಾ ಸರಸ್ವತೀ ರೂಪ ಕೊನೆಯದು, ಮಹಾಲಕ್ಷ್ಮಿ ರೂಪ ಎರಡನೆಯದು.ಈ ಮಹಾಲಕ್ಷ್ಮೀಯೇ ಮಹಿಷನೆಂಬ ರಾಕ್ಷಸನನ್ನು ಸಂಹರಿಸಿದ್ದು.
ಲಕ್ಷ್ಮೀರೂಪ.
ಶ್ರೀ ಮಹಾಲಕ್ಷ್ಮಿಯು ಎರಡು ಪ್ರಧಾನ ರೂಪಗಳಲ್ಲಿ ಅಭಿವ್ಯಕ್ತಿಗೊಳ್ಳುವಳು.’ ಶ್ರೀ’ ರೂಪ ಹಾಗೂ ‘ಲಕ್ಷ್ಮಿ’ ರೂಪ. ಇವು ಎರಡಾಗಿಯೂ ಒಂದಾಗಿದೆ, ಒಂದಾಗಿಯೂ ಎರಡಾಗಿದೆ. ಎರಡು ರೂಪಗಳಲ್ಲಿಯೂ ಈಕೆಯು ವಿಷ್ಣು ಭಗವಾನನ ಪತ್ನಿಯಾಗಿದ್ದಳೆ. ಸರ್ವ ಸಂಪತ್ತಿನ ಅಧಿಷ್ಠಾನ ದೇವತೆಯಾದ ಆಕೆಯ ಬಳಿ ಕಾಮ-ಕ್ರೋಧ-ಲೋಭ-ಮೋಹ ಅಹಂಕಾರ ಗಳಂಥ ಗುಣಗಳಾವುವು ಇಲ್ಲದ ತಾಯಿ ಭಗವಂತನ ಪ್ರಾಣ ಸಮಾನಳು. ಪ್ರೀತಿ ಪಾತ್ರಳಾಗಿ, ಪ್ರಿಯವದಳಾಗಿ, ಜಗನ್ನಾಥ ಶ್ರೀಮನ್ನಾರಾಯಣನ ಜೊತೆಯಾಗಿರುವ ತಾಯಿ. ಶ್ರೀ ಇಲ್ಲದ ನಾರಾಯಣನನ್ನು ಕಲ್ಪನೆ ಮಾಡಿ ಕೊಳ್ಳುವುದು ಅಸಾಧ್ಯ ಎಂಬುದು ಶ್ರೀವೈಷ್ಣವರ ಅಭಿಪ್ರಾಯ.
ಲಕ್ಷ್ಮೀ ಅವತಾರಗಳು