ನನ್ನಲ್ಲೊಂದು ಕಡಲು

• ಲೇಖಕರು
• ಇತ್ತೀಚಿನ ಬರಹಗಳು

ರಾಮ್‌ ಕುಮಾರ್‌ ಡಿ.ಟಿ.

ರಾಮ್‌ ಕುಮಾರ್‌ ಡಿ.ಟಿ
ಮೂಲತಹ ಗಣೇಶಗುಡಿ, ಉತ್ತರ ಕನ್ನಡದವರು. ಸದ್ಯಕ್ಕೆ ಬೆಂಗಳೂರಿನಲ್ಲಿ ವಾಸವಾಗಿದ್ದಾರೆ.
ವೃತ್ತಿಯಲ್ಲಿ ಉದ್ಯಮಿಯಾದರೂ, ಇವರ ಹವ್ಯಾಸಗಳು: ಓದುವುದು, ಬರೆಯುವುದು, ಸೈಕ್ಲಿಂಗ್‌...
ಮತ್ತೆ ನಿರಂತರ ಹುಡುಕಾಟ...! ಆ ಹುಡುಕಾಟವನ್ನು ಅವರ ಕವಿತೆಗಳಲ್ಲಿ ಢಾಳಾಗಿ ಕಾಣಬಹುದು.

ಇತ್ತೀಚಿನ ಬರಹಗಳು: ರಾಮ್‌ ಕುಮಾರ್‌ ಡಿ.ಟಿ. (ಎಲ್ಲವನ್ನು ಓದಿ)

• ನನ್ನಲ್ಲೊಂದು ಕಡಲು - ಏಪ್ರಿಲ್ 11, 2021
• ಅಪರಿಚಿತ - ಏಪ್ರಿಲ್ 5, 2021
• ಆದಿ ಮತ್ತು ಅಂತ್ಯ - ಡಿಸಂಬರ್ 30, 2020

ಕಣ್ಣಿಲ್ಲದ ಕಡಲ ಅಲೆಗೆ
ದಾರಿ ತೋರಿದವರಾರು
ನಾ ಮುಂದೆ, ತಾ ಮುಂದೆಂದು
ಕಡಲ ಬಣ್ಣಿಸ ಹೊರಟ ಅಲೆಗಳಬ್ಬರ
ಬರೀ ದಡಕ್ಕೆ ಸೀಮಿತವೇ!
ನನ್ನ ಎದೆಯಲ್ಲೊಂದು ಕಡಲಿದೆ
ಆದರಲ್ಲಿರುವ ಅಲೆಗಳಿಗೆ
ದಡವ ಸೇರುವ ಹಂಗಿಲ್ಲ
ಎಲ್ಲೊ ಮುಟ್ಟುವ ತವಕವೊಂತು
ಮೊದಲೇ ಇಲ್ಲ.
ಎದೆಯ ನಾಲ್ಕು
ಗೋಡೆಗಳಿಗೂ ಹಿಡಿಯಲಾಗದ ಅಲೆಗಳವು.
ಅದೆಂತಹ ಅಲೆಗಳವು
ಅದೇ ಕಡಲು, ಅದೇ ಅಲೆಗಳು
ನನ್ನೊಳಗೆ ಹೊಕ್ಕಿದೊಡನಷ್ಟೆ
ತನ್ನ ಸತ್ವವನ್ನೇ ಪರೀಕ್ಷಿಸುವ ತವಕ!

ಅದೆಂತಹ ಅಲೆಗಳವು
ನನ್ನಲ್ಲೇಕೆ ಮನೆ ಮಾಡಿದವು
ತೋಚದೆ ಅವಕೆ ದಿಕ್ಕೆಂಬುದು
ನನ್ನಲ್ಲೇನು ಹುಡುಕುತಿವೆಯೆಂಬ ಪ್ರಶ್ನೆಗೆ
ಏನೂ ತೋಚದೆ ಕಡಲ ತೀರದಲಿ ಕುಳಿತ
ನಾನು ಮತ್ತು ನನ್ನ ಅಳಲು.
ಹೇಳಿತಾಗ ನನ್ನೊಳ
ಅಲೆಯೊಂದು …
‘ನಾನೇ ಆ ಕಡಲು
ನನ್ನನೇ ಹುಡುಕುತಿರುವ
ನನ್ನ ಕಡಲು’.