ರೇಶ್ಮಾಗುಳೇದಗುಡ್ಡಾಕರ್ ಅವರ ವಿಜ್ಞಾನದ ಪದವೀಧರರು. ಪುಸ್ತಕಗಳ ಓದು ಜೊತೆಗೆ ಕವಿತೆ, ಲೇಖನ ಬರೆಯುವದು ಮೆಚ್ಚಿನ ಹವ್ಯಾಸ.2006 ರ ಕರ್ನಾಟಕ ಸಾಹಿತ್ಯ ಅಕಾಡೆಮಿ ವಾರ್ಷಿಕ ಹೊತ್ತಿಗೆ "ಕವಿತೆ - 2006 " ರಲ್ಲಿ ಇವರ ಗಾಂಧಿ ಕವನ ಪ್ರಕಟವಾಗಿದೆ.
ಇತ್ತೀಚಿನ ಬರಹಗಳು: ರೇಶ್ಮಾ ಗುಳೇದಗುಡ್ಡಾಕರ್ (ಎಲ್ಲವನ್ನು ಓದಿ)
- ಮುಗಿಲ ಮಳೆ …. - ಏಪ್ರಿಲ್ 18, 2021
- ಡಾರ್ಕ್ ಮೋಡ್ - ಏಪ್ರಿಲ್ 4, 2021
- ಸಾಗರದೊಳಗಿನ ಮೌನ - ಅಕ್ಟೋಬರ್ 24, 2020
ಮುಟ್ಟದವರ ಅಪ್ಪಿ
ಮೇಲು ಕೀಳು ಎಂಬದನ್ನು
ಕಾಲಡಿಯಲಿ ಮೆಟ್ಟಿ
ನಿಜದ ನೋವನ್ನು
ಉಂಡು ಮಹಾತ್ಮರಾದರು
ಗಡಿಗಡಿಗಳ ದಾಟಿ
ಮನಮನಗಳ ತಲುಪಿ
ಸರಳತೆಯಲಿ ಬದುಕಿ
ಅಹಿಂಸೆಯ ಹಾದಿಯಲ್ಲಿ ನಡೆದರು
ದೀನರಿಗೆ ದೀವಿಗೆಯಾದರು
ಜನನಾಯಕರಾದರು
ಅಧಿಕಾರದ ಹತ್ತಿರ ಸುಳಿಯದೆ
ಉಳಿದರು , ಉಚ್ಚ ಪಂಥದವಾರದರೂ
ತಳಸಮುದಾಯದವರಿಗಾಗಿ ಬಾಳಿದರು
ಹಗಲು ಇರುಳು ಸತ್ಯವನ್ನೇ
ಪ್ರತಿಪಾದಿಸಿದರು
ತಮ್ಮ ಬದುಕನ್ನೆ ಒರೆಹಚ್ಚಿ
ತಾವೇ ನೋಡಿದರು
ಮಾಡು ಇಲ್ಲವೇ ಮಡಿ ಎಂದರು
ಅನ್ಯರ ದೋಷಿಸುವ ಬದಲು
ನಿನ್ನ ನೀ ಅರಿ ಎಂದರು
ಆದರ್ಶ ತತ್ವಗಳು ಪಠಣದ
ಮಂತ್ರವಲ್ಲ ಎಂದು
ಜೀವಿಸಿ ತೋರಿಸಿದರು
ಬಹುತ್ವ ಭಾರತಕ್ಕೆ ಭಾತೃತ್ವದ
ಮಡಿಲು ನೀಡಿದರು
ಅನೇಕತೆಯಲ್ಲಿ ಏಕತೆಯ
ಭಾರತವ ಕನಸ ಕಂಡರು
ನಮ್ಮ ರಾಷ್ಟ್ರ ಪಿತ ಎಂಬ
ಹೆಮ್ಮೆ ಇವರು
ಇಂದಿಗೂ ಅವರು ಜನಮನಗಳಲ್ಲಿ
ಅಳಿಯದೇ ಉಳಿದಿರುವರು ……
ಹೆಚ್ಚಿನ ಬರಹಗಳಿಗಾಗಿ
ರೆಕ್ಕೆ ಇದ್ದರೆ ಚೆನ್ನಾಗಿತ್ತು
ಇದು ಅದಲ್ಲ
ರಾಧೇಭಾವ