ಸಂಪಾದನೆ: ನಾ.ಸು ಬದುಕು ಬೊಗಸೆಯಲ್ಲಿ ಹಿಡಿದಷ್ಟು
ಬಿಡಿ ಪ್ರಶಸ್ತಿಗಳು:
ತ.ರಾ.ಸು ಸ್ಮಾರಕ ಕಾವ್ಯ ಸ್ಪರ್ಧೆಯಲ್ಲಿ ರಾಜ್ಯಕ್ಕೆ ಪ್ರಥಮ.
ಅಭಿಮಾನಿ ಕಾವ್ಯ ಸ್ಪರ್ಧೆಯಲ್ಲಿ ಪ್ರಥಮ
ಕ್ರೈಸ್ಟ್ ಕಾಲೇಜು ದ.ರಾ ಬೇಂದ್ರೆ ಸ್ಮ್ರತಿ ಕಾವ್ಯ ಸ್ಪರ್ಧೆಯಲ್ಲಿ ಮೂರು ವರ್ಷ ಆಯ್ಕೆ.
ಹಲವು ಪತ್ರಿಕೆಗಳಲ್ಲಿ ಉಪಸಂಪಾದಕಿಯಾಗಿ ಸೇವೆ ಸಲ್ಲಿಸಿದ್ದಾರೆ.
ಈ ಟಿವಿಯಲ್ಲಿ ಬಂದ ' ರಾಧಾ ' ಧಾರಾವಾಹಿಗೆ ಕಥಾ ವಿಸ್ತರಣೆಯಲ್ಲಿ ಜೊತೆಯಾಗಿದ್ದಾರೆ ಮತ್ತು ಚಿತ್ರಕತೆ ಬರಹ( one line story ).
'ಬಾಲ್ ಪೆನ್' ಮಕ್ಕಳ ಚಿತ್ರಕ್ಕೆ ಕಥಾವಿಸ್ತರಣೆಯಲ್ಲಿ ಪಾಲ್ಗೊಂಡಿದ್ದಾರೆ ಮತ್ತು ಸಣ್ಣದೊಂದು ಪಾತ್ರಕೂಡಾ ಮಾಡಿದ್ದಾರೆ.
ವಿದ್ಯಾ ಭರತನಹಳ್ಳಿ ಅವರು ಖ್ಯಾತ ಲೇಖಕ, ಹಿರಿಯ ಪತ್ರಕರ್ತ ದಿ. ನಾ ಸು ಭರತನಹಳ್ಳಿ ಅವರ ಪುತ್ರಿ
- ನುಡಿನಮನ ಸಂಚಿಕೆ ಸಂಪಾದಕರ ಮಾತು - ಫೆಬ್ರುವರಿ 26, 2024
- ನಕ್ಷತ್ರ ಮಾರ್ಗ - ಅಕ್ಟೋಬರ್ 23, 2022
- ನೀವಿದನ್ನೆಲ್ಲ ಮಾಡಿದರೆ….. - ಏಪ್ರಿಲ್ 18, 2021
ಉಸಿರು ನಿಲ್ಲುವುದು
ಹೇಗೆ ಮತ್ತು ಯಾವಾಗ?
ನನಗೆ ಗೊತ್ತಿಲ್ಲ.ಅಕಸ್ಮಾತ್
ಯಾರಿಗೂ ಹೇಳದೆ
ವಿದಾಯ ಹೇಳಿದೆನಾದರೆ
ಸೂರ್ಯನನ್ನೇ ನೋಡದ ಜೀವಕ್ಕೆ
ನನ್ನ ಕಣ್ಣುಗಳ ಕೊಟ್ಟುಬಿಡಿ.
ನೋವೆಂದರೇನೆಂದು ಅರಿತ
ಹೃದಯಕ್ಕೆ
ಸಾಂತ್ವನಿಸಲು
ನನ್ನ ಹೃದಯವನ್ನು ಕೊಟ್ಟುಬಿಡಿ.
ಅಪಘಾತವಾಗಿ
ನುಜ್ಜುಗುಜ್ಜಾದ ಕಾರಲ್ಲಿ
ಉಸಿರಿರುವ
ಬದುಕು ಕಟ್ಟಿಕೊಳ್ಳಬೇಕಾದ
ಯುವ ಜೋಡಿಗೆ
ನನ್ನ ರಕ್ತವನ್ನು ಕೊಟ್ಟುಬಿಡಿ.
ಅವರು ಮೊಮ್ಮಕ್ಕಳು
ಆಟವಾಡುವುದನ್ನು
ನೋಡಿ ನಲಿಯಲಿ.
ನಡೆದಾಡಲಿ ಮಗುವೊಂದು
ಮುರಿದಿರದ ನನ್ನ ಎಲುಬುಗಳ
ಬಳಸಿಕೊಂಡು.
ತೊಟ್ಟು ವಿಷವೂ ಇರದ
ನನಗೆ ಸಾವಾದರೆ
ನನ್ನ ಮೂತ್ರಪಿಂಡಗಳು
ರೋಗಿಯ ವಿಷವನ್ನು
ಹೊರಹಾಕಲಿ
ಅಳಿದುಳಿದ ನನ್ನ ದೇಹವ ಸುಟ್ಟು
ಬಂದ ಬೂದಿಯನು
ಗಾಳಿಯಲಿ ತೂರಿಬಿಡಿ
ಹೂಗಳೆಲ್ಲ ಅರಳಿಬಿಡಲಿ.
ನನ್ನ ದೇಹವ ನೀವು
ಹೂಳುವಿರಾದರೆ
ನನ್ನ ತಪ್ಪುಗಳನ್ನು
ಮತ್ತು
ಅವರಿವರ ಕುರಿತ ನಿಮ್ಮ
ಪೂರ್ವಗ್ರಹಗಳನ್ನೂ
ಜೊತೆ ಸೇರಿಸಿ
ಹೂಳಿಬಿಡಿ.
ದೆವ್ವಗಳಿಗೆ ನನ್ನ ಪಾಪವನ್ನೂ
ದೇವರಿಗೆ ನನ್ನ ಆತ್ಮವನ್ನೂ ಕೊಟ್ಟುಬಿಡಿ.
ನೀವು ನನ್ನನ್ನು ನೆನಪಿಟ್ಟುಕೊಳ್ಳ ಬಯಸಿದರೆ, ಅಗತ್ಯವಿರುವವರಿಗೊಂದು ಒಳ್ಳೆಯ ಮಾತನಾಡಿ.
ನನ್ನ ಕೃತಿಯಿಂದ ನನ್ನ
ನೆನಪಿಡಿ.
ನಾನು ಮರಣ ಹೊಂದಿದರೂ ಜೀವಂತವಿರುತ್ತೇನೆ,
ನೀವಿದನ್ನೆಲ್ಲ ಮಾಡಿದರೆ.
******
ಪ್ರೇರಣೆ: Philosophy of Life…Buji Chinoy
ಹೆಚ್ಚಿನ ಬರಹಗಳಿಗಾಗಿ
ರೆಕ್ಕೆ ಇದ್ದರೆ ಚೆನ್ನಾಗಿತ್ತು
ಇದು ಅದಲ್ಲ
ರಾಧೇಭಾವ