ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲ್ಲೂಕಿನ ಬೇದೂರು,ಜಿತೇಂದ್ರ ಅವರ ಹುಟ್ಟೂರು.ವಿಜ್ಞಾನ ವಿಷಯದಲ್ಲಿ ಸ್ನಾತಕೋತ್ತರ ಪದವಿ, ಔಷಧೀಯ ಸಂಸ್ಥೆಯಲ್ಲಿ ಉದ್ಯೋಗ.ಸಾಹಿತ್ಯದಲ್ಲಿ ಆಸಕ್ತಿ.ಜಾಲತಾಣಗಳಲ್ಲಿ ಇವರ ಕವಿತೆಗಳು ಪ್ರಕಟವಾಗಿವೆ.
ಇತ್ತೀಚಿನ ಬರಹಗಳು: ಜಿತೇಂದ್ರ ಬೇದೂರು (ಎಲ್ಲವನ್ನು ಓದಿ)
ಹೊಳೆವ ದೀಪದ ಹಿಂದೆ
ಸುಡುವ ಬತ್ತಿಯ ನೋವು,
ಮಿನುಗು ತಾರೆಯ ಒಡಲ
ಉರಿವ ಕೆಂಡದ ಕಾವು.
ಮುಗಿಲೆತ್ತರ ಅಲೆಗಳಡಿ
ಕಡಲ ‘ತೀರದ’ ಬಯಕೆ,
ಮರಳ ದಡದುದ್ದಕ್ಕೂ
ಮುಗಿಯದ ಕನವರಿಕೆ
ಹುಸಿ ನಗುವ ಕಂಗಳಲಿ
ತಡೆ ಹಿಡಿದ ಕಣ್ಣೀರು,
ಮನಸಲ್ಲೇ ಮುಚ್ಚಿಟ್ಟ
ನೋವುಗಳು ನೂರಾರು.
ಹಣ್ಣು, ಹೂ, ಕಾಯಿ,
ನಳನಳಿಸುವ ಚಿಗುರು,
ಅಡಿಯಲ್ಲೇ ಉಳಿದಿತ್ತು
ಪೊರೆವ, ತಾಯಿ ಬೇರು.
ಹೆಚ್ಚಿನ ಬರಹಗಳಿಗಾಗಿ
ಮುಂದುವರೆಯುವುದು ಮತ್ತು ಉದ್ದಾರ ಎನ್ನುವ ಎರಡು ಕವಿತೆಗಳು
ಅನಿರೀಕ್ಷಿತ
ಹೂರಣವಿಲ್ಲದ ಹೋಳಿಗೆ