ಅರಳುವ ಹೂಗಳು!

• ಲೇಖಕರು
• ಇತ್ತೀಚಿನ ಬರಹಗಳು

ಶರಣಗೌಡ ಬಿ ಪಾಟೀಲ್

ಲೇಖಕ ಕತೆಗಾರ ಶರಣಗೌಡ ಬಿ ಪಾಟೀಲ್ ತಿಳಗೂಳ ಇವರು ಸ್ನಾತಕೋತ್ತರ ಪದವಿಧರರು ಪ್ರೌಢಶಾಲಾ ಶಿಕ್ಷಕರಾಗಿ ಸೇವೆ ಸಲ್ಲಿಸುತಿದ್ದಾರೆ.

ಕಥೆ ಕಾದಂಬರಿ ಲಲಿತ ಪ್ರಬಂಧ ಸೇರಿಸುಮಾರು ಏಳು ಕೃತಿ ರಚಿಸಿದ್ದಾರೆ.

ಉತ್ತಮ ಶಿಕ್ಷಕ ಪ್ರಶಸ್ತಿ,ಕಸಾಪದತ್ತಿ ಪ್ರಶಸ್ತಿ, ಯಶೋದಮ್ಮ ಸಿದ್ದಬಟ್ಟೆ ಸ್ಮಾರಕ ಕಾದಂಬರಿ ಪ್ರಶಸ್ತಿ, ಸಾಹಿತ್ಯ ಶರಭ ಪ್ರಶಸ್ತಿ, ಕಥಾ ಪುರಸ್ಕಾರ ಕೂಡ ಲಭಿಸಿವೆ

ಇತ್ತೀಚಿನ ಬರಹಗಳು: ಶರಣಗೌಡ ಬಿ ಪಾಟೀಲ್ (ಎಲ್ಲವನ್ನು ಓದಿ)

• ಅರಳುವ ಹೂಗಳು! - ಜನವರಿ 1, 2024
• ಅಳಿಯ ದೇವೋಭವ ! - ಮೇ 28, 2022

ಕಲ್ಲು ಮಣ್ಣು ಇಟ್ಟಿಗೆ
ಹೊರಲು ಕೂಲಿಗೆ
ಕರೆದರೂ ಹೋಗದಿರಿ
ನೀವು ಅರಳುವ ಹೂಗಳು

ನಿಮ್ಮ ವಯಸ್ಸು, ವ್ಯಕ್ತಿತ್ವ
ಮುಗ್ಧತೆ ಒತ್ತೆ ಇಟ್ಟು
ಯಾರಿಗೂ ತಲೆ ಬಾಗದಿರಿ
ನೀವು ಅರಳುವ ಹೂಗಳು

ಪೂರಿ ಇಡ್ಲಿ ವಡಾ
ಅಂತ ಹೊಟ್ಟೆಗೊಂದಿಷ್ಟು
ಆಸೆ ತೋರಿಸಿ ಚಿಲ್ಲರೆ
ಕೈಗಿಡುವವರಿಗೆ
ಮರುಳಾಗದಿರಿ
ನೀವು ಅರಳುವ ಹೂಗಳು

ಪಬ್ಬು, ಬಾರು, ಗ್ಯಾರೇಜು
ಅಂಗಡಿ ಅಂತ ನೂರೆಂಟು
ಅಪಾಯಕಾರಿ ಕೆಲಸಕ್ಕೆ
ನೂಕುವರು ಎಚ್ಚರದಿಂದಿರಿ
ನೀವು ಅರಳುವ ಹೂಗಳು

ನೋಟಿನಲ್ಲಿ ಕೋಟೆ ಕಟ್ಟದವರಿಗೂ
ಮೀರಿ ಬೆಳೆಯಲು ದಾರಿ ನೂರಿವೆ
ಹಿಂದೆ ನೋಡದೆ ಮುನ್ನುಗ್ಗಿರಿ
ನೀವು ಅರಳುವ ಹೂಗಳು!