ಗಜಲ್

• ಲೇಖಕರು
• ಇತ್ತೀಚಿನ ಬರಹಗಳು

ತೇಜಾವತಿ ಹೆಚ್. ಡಿ. (ಖುಷಿ)

ತೇಜಾವತಿ ಹೆಚ್. ಡಿ. (ಖುಷಿ) ಅವರು ಹುಳಿಯಾರು,
ಚಿಕ್ಕನಾಯಕನಹಳ್ಳಿ ತಾಲ್ಲೂಕು, ತುಮಕೂರು ಜಿಲ್ಲೆ ಯವರು. ಸಾಹಿತ್ಯ, ಓದುಗಳಲ್ಲಿ ಅಪಾರ ಆಸಕ್ತಿಯುಳ್ಳ ಇವರು ಕಾವ್ಯ ಕೃಷಿಯಲ್ಲೂ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ.

ಇತ್ತೀಚಿನ ಬರಹಗಳು: ತೇಜಾವತಿ ಹೆಚ್. ಡಿ. (ಖುಷಿ) (ಎಲ್ಲವನ್ನು ಓದಿ)

• ಗಜಲ್ - ಆಗಸ್ಟ್ 15, 2023
• ದರ್ಜೆ ಎರಡನೆಯದೇ - ಅಕ್ಟೋಬರ್ 23, 2022
• ಅಮೋಘಸಿದ್ಧ ಜನಪದ ಮಹಾಕಾವ್ಯ - ಅಕ್ಟೋಬರ್ 18, 2021

ಭಾರತ ಮಾತೆಯ ಮಡಿಲಲ್ಲಿ ತ್ರಿವರ್ಣಗುಡಿ ರಾರಾಜಿಸಿದೆ ವೀರ
ಗಡಿಯಾಚೆಗೂ ಶಾಂತಿ ಪ್ರೇಮದ ಬಣ್ಣಗಳ ಮಳೆಗರೆದಿದೆ ವೀರ

ಮಹಾಸಾಗರ ಅರಬ್ಬೀ ಕೊಲ್ಲಿ ಹಿಮಾಲಯದವರೆಗೆ ಗಡಿಯ ಚಾಚಿದೆ
ಅಡಿಯಿಂದ ಮುಡಿಯವರೆಗೂ ವಿವಿಧತೆಯಲಿ ಏಕತೆಯಿದೆ ವೀರ

ದೀಪಾವಳಿ ಕ್ರಿಸ್ಮಸ್ ಮೊಹರಂ ಸಮನ್ವಯದ ಬೆಳಕು ಹರಿಸಿವೆ
ಭ್ರಾತೃತ್ವದ ತೋಟದಲ್ಲಿ ಪರಿಮಳದ ಹೂವು ಅರಳಿದೆ ವೀರ

ಶಾಸನ ವೀರಗಲ್ಲು ಮಾಸ್ತಿಗಲ್ಲುಗಳು ಹೆಜ್ಜೆಹೆಜ್ಜೆಗೂ ತೊಡರುತ್ತಿವೆ ಇಲ್ಲಿ
ಪ್ರತಿಯೊಂದರಲ್ಲೂ ತ್ಯಾಗ ಬಲಿದಾನಗಳ ನೆತ್ತರಿನ ಕತೆಯಿದೆ ವೀರ

ತನುಮನದ ನರನಾಡಿಯಲ್ಲೂ ದೇಶಭಕ್ತಿಯ ಮಿಂಚು ಸಂಚರಿಸಿದೆ
‘ತೇಜ’ಳ ಎದೆಯ ಗೂಡಿನಲ್ಲಿ ಭಾರತೀಯಳೆಂಬ ದೀಪ ಬೆಳಗಿದೆ ವೀರ