ಕವಿ ಸಮಯ – ಶಾಂತಾ ಶಾಸ್ತ್ರಿ

• ಲೇಖಕರು
• ಇತ್ತೀಚಿನ ಬರಹಗಳು

ಶಾಂತಾ ಶಾಸ್ತ್ರಿ

ಮುಂಬೈ ವಾಸಿಗಳಾಗಿರುವ ಶಾಂತಾ ಶಾಸ್ತ್ರಿ ಅವರು ಕವಿತೆ ಹಾಗೂ ಬರಹಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಅವರ ಎರಡು ಕವನ ಸಂಕಲನ ಹಾಗೂ ಒಂದು ವ್ಯಕ್ತಿ ಪರಿಚಯ ಪುಸ್ತಕಗಳು ಲೋಕಾರ್ಪಣೆಗೊಂಡಿವೆ.

ಇತ್ತೀಚಿನ ಬರಹಗಳು: ಶಾಂತಾ ಶಾಸ್ತ್ರಿ (ಎಲ್ಲವನ್ನು ಓದಿ)

• ಕವಿ ಸಮಯ – ಶಾಂತಾ ಶಾಸ್ತ್ರಿ - ಸೆಪ್ಟೆಂಬರ್ 10, 2021
• ಅರವತ್ಮೂರು - ಏಪ್ರಿಲ್ 4, 2021
• ಕರೋನ ಲಾಕ್ ಡೌನ್ - ಡಿಸಂಬರ್ 20, 2020

ವಿವಶ

ಹೇ ಸೃಷ್ಟಿ ಕರ್ತನೇ
ಜಗತ್ ನಿಯಾಮಕನೇ
ಇನ್ನೆಷ್ಟು ಜನ್ಮಗಳ
ನೀ ನೀಡಲಿರುವೆ
ಯಾರಿಗೊಬ್ಬರಿಗೆ ಮೋಕ್ಷ
ಕರುಣಿಸು ಪ್ರಭುವೆ.
ಅಂದು ಸೀತೆಯ ಹರಣ
ದ್ರೌಪದಿಯ ವಸ್ತ್ರಾಪಹರಣ
ಇಂದು ಮಾನಿನಿಯರ
ಶೀಲವೇ ಹರಣ
ಕಣ್ಣೆದುರೇ ಮರಣ
ಸಜೀವ ದಹನ.
ಶಾಪದಲಿ ಭಕ್ತರನಂದು
ರಕ್ಕಸರ ಮಾಡಿದೆ
ಕಾಲಮಿತಿಯಲ್ಲಿ ಬಂದು
ಮುಕ್ತಿಯನು ನೀಡಿದೆ
ಸೋದರಿಯರ ಕೂಗು
ಇಂದು ಕೇಳಿಸದೆ
ಕುರುಡನಂತೆ ಏಕಿರುವೆ
ರಕ್ಷಣೆಗೆ ಬಾರದೆ.
ಗುಡಿ, ಚರ್ಚು,ಮಸೀದಿಗಳಲಿ
ನೀ ಕಾಣದಿರುವೆ
ಮನೆಯ ಮನಮಂದಿರಕೆ
ಬರಲು ಮರೆಮಾಚಿರುವೆ
ಹೆಣ್ಣುಗಳ ಧರೆಯ
ನಡೆಗೆ ಅರ್ಪಿಸುತಿರುವೆ
ದುಷ್ಟ ಜನರನು ಏಕೆ
ಜಗಕೆ ಕಳುಹಿಸುತಿರುವೆ

ವಸುಂಧರೆ

ಹಸಿರೇ ನೀನೆ ಜಗಕೆ ಉಸಿರೆ
ಮಾಯಾ ಲೋಕದ ಶೃಂಗಾರೆ
ನೀ ಹೀಗೆ ಮೌನವಾದರೆ
ನಿನ್ನ ರಕ್ಷಣೆಗಾರು ಬಂದಾರೆ!

ಅಲುಗಿಸಿ ನಲುಗಿಸಿ ನೋಡುವರೆ
ಪುಕ್ಕಲಾದರೆ ಅಗಿಯುವರೆ
‘ಬೆತ್ತವಾಗಿ’ ನೀನು ಬಡಿದರೆ
ಕಾಲಿಗೆ ಬುದ್ಧಿ ಹೇಳುವರೆ!

ಸಂಘರ್ಷಿಸಿ ಕರ್ಷಿಸಿ ನೋಡುವರೆ
ಶ್ರೀಗಂಧವಾದರೆ ತೇಯುವರೆ
‘ಅನಲಾಗಿ’ ನೀನು ಹೊತ್ತಿದರೆ
ಸುಟ್ಟು ಬೂದಿಯಾಗುವರೆ!

ಮಮತೆಯ ಮಡಿಲಿಗೆ ನೀ ಮಧುರೆ
ಬಾಳಯಾನಕೆ ನೀ ಚತುರೆ
ಮಾನಾಭಿಮಾನಕೆ ನೀ ಶೂರವೀರೆ
ನೀನಲ್ಲವೇ ನಮ್ಮ ವಸುಂಧರೆ!