ಗೌರವ ಸಂಪಾದಕರ ಮಾತು – ಡಾ. ಜಿ. ಎನ್.‌ ಉಪಾಧ್ಯ

• ಲೇಖಕರು
• ಇತ್ತೀಚಿನ ಬರಹಗಳು

ಡಾ. ಜಿ.ಎನ್. ಉಪಾಧ್ಯ

ಮುಂಬಯಿ ವಿಶ್ವವಿದ್ಯಾಲಯದಲ್ಲಿ ಕನ್ನಡ ವಿಭಾಗದ ಮುಖ್ಯಸ್ಥರಾಗಿರುವ ಶ್ರೀ ಗಣೇಶ ಉಪಾಧ್ಯ ಅವರು ಮೂಲತಃ ದಕ್ಷಿಣ ಕನ್ನಡದ ಉಡುಪಿಯಕೋಟಾದವರು.ಮುಂಬಯಿ ವಿಶ್ವವಿದ್ಯಾಲಯದ, ಪಿ.ಎಚ್.ಡಿ ಪಡೆದಿರುವ ಉಪಾಧ್ಯರದು ಅತ್ಯಂತ ಕ್ರಿಯಾಶೀಲ ವ್ಯಕ್ತಿತ್ವ. ಅವರು ಅತ್ಯುತ್ತಮ ಸಂಘಟಕ,ಕನ್ನಡ ಪರಿಚಾರಕ, ದಣಿವರಿಯದ ಸಂಶೋಧಕ. ಮುಂಬೈ ವಲಯದಲ್ಲಿ ಅತೀ ಹೆಚ್ಚಿನ ಕನ್ನಡ ಚಟುವಟಿಕೆಗಳು ಹಾಗೂ ಯಶಸ್ಸಿನ ಹಿಂದೆ ಉಪಾಧ್ಯರ ಆಸಕ್ತಿ, ನಿಸ್ವಾರ್ಥ ಶ್ರಮ ಹಾಗೂ ಅವರಲ್ಲಿರುವ ಸಾಹಿತ್ಯ ಅಭಿರುಚಿ ಕೂಡ ಕಾರಣ. ಸ್ವತಃ ಉತ್ತಮ ಸಾಹಿತಿ ಲೇಖಕ ವಿಮರ್ಶಕರಾದ ಉಪಾಧ್ಯರು ಅನೇಕ ಪುಸ್ತಕಗಳನ್ನ ಲೋಕಾರ್ಪಣೆ ಗೊಳಿಸಿದ್ದಲ್ಲದೆ,ಇತರ ಬರಹಗಾರರಿಗೆ ಸ್ಫೂರ್ತಿಯಾಗಿ, ಬೆಂಗಾವಲಾಗಿ ಮುಂಬೈನಿಂದಲೆ ಕನ್ನಡದ ಕೆಲಸವನ್ನು ಪರಿಣಾಮಕಾರಿಯಾಗಿ ಮುಂದುವರಿಸಿಕೊಂಡು ಬಂದಿದ್ದಾರೆ.

ಇತ್ತೀಚಿನ ಬರಹಗಳು: ಡಾ. ಜಿ.ಎನ್. ಉಪಾಧ್ಯ (ಎಲ್ಲವನ್ನು ಓದಿ)

• ಗೌರವ ಸಂಪಾದಕರ ಮಾತು – ಡಾ. ಜಿ. ಎನ್.‌ ಉಪಾಧ್ಯ - ಸೆಪ್ಟೆಂಬರ್ 10, 2021
• ಸಂಪಾದಕೀಯ – ಡಾ. ಜಿ. ಎನ್. ಉಪಾಧ್ಯ - ಜುಲೈ 31, 2021
• ವೈದ್ಯಲೋಕದ ತವಕ ತಲ್ಲಣದ ಅನಾವರಣ - ಮಾರ್ಚ್ 21, 2021

ಮಹಾರಾಷ್ಟ್ರದ ಮಹಾಪರ್ವ ಗಣೇಶೋತ್ಸವದ ಈ ಶುಭ ಸಂದರ್ಭದಲ್ಲಿ ನಸುಕು ಮುಂಬೈ ಮಹಾ ಸಂಚಿಕೆಯ ಮೂರನೆಯ ಎಸಳು ʻಮುಂಬಾ ಆಯಿಯ ಮಡಿಲಲ್ಲಿʼ ಬಿಡುಗಡೆಯಾಗುತ್ತಿರುವುದು ತುಂಬ ಸಂತೋಷದ ಸಂಗತಿ. ದೇಶದ ಸ್ವಾತಂತ್ರ್ಯ ಹೋರಾಟದಲ್ಲಿ ಗಣೇಶೋತ್ಸವ ಜನರಲ್ಲಿ ಭಾವೈಕ್ಯ ಉಂಟುಮಾಡಿದ್ದು ಚಾರಿತ್ರಿಕ ಸಂಗತಿ. ಇದೀಗ ಸ್ವಾತಂತ್ರ್ಯ ಸಂಭ್ರಮದ ಅಮೃತ ಗಳಿಗೆ. ಕಳೆದ ಏಳೂವರೆ ದಶಕಗಳಲ್ಲಿ ನಾವು ಸಾಧಿಸಿದ ಸಾಧನೆಯ ಆತ್ಮಾವಲೋಕನಕ್ಕೂ ಇದು ಸಕಾಲ. ಈ ಎಸಳು ಸ್ತ್ರೀ ಶಕ್ತಿಯ ಪ್ರತೀಕ. ಹೊರ ನಾಡಾದ ಮುಂಬೈಯಲ್ಲಿ ಕನ್ನಡ ಮಹಿಳೆಯರ ಸಾಹಸ ಸಾಧನೆಯ ದರ್ಶನ ಇಲ್ಲಿದೆ. ನಸುಕು ಸಂಪಾದಕರಾದ ವಿಜಯ ಅವರ ಪ್ರೀತಿ ವಿಶ್ವಾಸ ದೊಡ್ಡದು. ಈ ಸಂಚಿಕೆಯ ಮೂಲಕ ಅನೇಕ ಹೊಸ ಲೇಖಕರ ಪ್ರತಿಭೆ ಲೋಕ ಮುಖಕ್ಕೆ ತಿಳಿಯುವಂತಾಗಿದೆ. ಸಾಹಿತ್ಯ ವಲಯವಾಗಿ ಮುಂಬೈ ಇನ್ನೂ ತನ್ನತನವನ್ನು ಉಳಿಸಿಕೊಂಡು ಬಂದಿರುವುದಕ್ಕೆ ಇಲ್ಲಿನ ವೈವಿಧ್ಯಮಯವಾದ ಬರವಣಿಗೆ ಸಾಕ್ಷಿ. ಮುಂಬಾ ಆಯಿಯ ಮಡಿಲಲ್ಲಿ ಕನ್ನಡ, ಕನ್ನಡಿಗರು ಸದಾ ಸುರಕ್ಷಿತವಾಗಿರಲಿ ಎಂಬುದು ನಮ್ಮ ಆಶಯ. ಈ ಸಂಚಿಕೆಯನ್ನು ಸರ್ವಾಂಗ ಸುಂದರವಾಗಿ ರೂಪಿಸಿಕೊಟ್ಟ ನಸುಕು ಬಳಗಕ್ಕೆ ಇಪ್ಪತ್ತು ಲಕ್ಷ ಮುಂಬೈ ಕನ್ನಡಿಗರ ಪರವಾಗಿ ಅನಂತ ವಂದನೆಗಳು. ಕೊರೊನಾ ಕಾಟ ತಪ್ಪಲಿ ಎಲ್ಲೆಡೆ ಶಾಂತಿ ನೆಮ್ಮದಿ ನೆಲೆಸಲಿ ಎಂದು ಸಿದ್ಧಿವಿನಾಯಕನಲ್ಲಿ ಪ್ರಾರ್ಥಿಸೋಣ. ಚೌತಿ ಹಬ್ಬದ ಶುಭಾಶಯಗಳೊಂದಿಗೆ…

ಡಾ. ಜಿ. ಎನ್.‌ ಉಪಾಧ್ಯ

ಗೌರವ ಸಂಪಾದಕರು, ನಸುಕು ಮಹಾ ಸಂಚಿಕೆ, ಮುಂಬಯಿ