ಗಾಂಧಿ,ಲೋಹಿಯಾ, ಸಮಾಜವಾದ, ಇಸ್ಮ್ ಗಳು,ಚರಿತ್ರೆ ಹೀಗೆ ಎಲ್ಲ ವಿಷಯಗಳ ಬಗ್ಗೆ ಕರಾರುವಕ್ಕಾಗಿ ಮಾತನಾಡುವ ದೊಡ್ಡಮೇಟಿಯವರದು ಪ್ರಖರ ವ್ಯಕ್ತಿತ್ವ. ರಾಜಕಾರಣದ ಹಲವು ಮಜಲುಗಳನ್ನು ಸ್ವತಃ ಕಂಡವರು. ಕರ್ನಾಟಕದ ಮಹನೀಯರ ಬಗ್ಗೆ ಇವರು ಬರೆದ ಪುಸ್ತಕ ಇವತ್ತಿಗೂ ಸಂಗ್ರಹ ಯೋಗ್ಯ ಪ್ರತಿಯಾಗಿ ಖ್ಯಾತಿ ಪಡೆದಿದೆ. ಪುಸ್ತಕ ಭಂಡಾರದೊಂದಿಗೆ ಕಾಲ ಕಳೆವ ಇವರು ಕರ್ಮ ಯೋಗಿ ಹಾಗೂ ಕ್ರಿಯಾಶೀಲರು. ಮೂಲತಃ ರೋಣದ ಇವರು ಹುಬ್ಬಳ್ಳಿಯಲ್ಲಿ ವಾಸವಾಗಿದ್ದಾರೆ.
ಇತ್ತೀಚಿನ ಬರಹಗಳು: ರವೀಂದ್ರನಾಥ ದೊಡ್ಡಮೇಟಿ (ಎಲ್ಲವನ್ನು ಓದಿ)
- ಗಾಂಧಿ-ಸಿದ್ಧಾರೂಢರ ಭೇಟಿಗೆ ನೂರಾ ಮೂರು ವರ್ಷ - ನವೆಂಬರ್ 12, 2023
- ಕುವೆಂಪು ಕನಸಿನ ಸಚಿವ ಮಂಡಲ - ಡಿಸಂಬರ್ 29, 2021
- ನಕ್ಷತ್ರಗಳ ನೆಲದ ನಂಟು - ಅಕ್ಟೋಬರ್ 29, 2021
ಇದು ಪರ್ಣಕುಟಿ
ಇಲ್ಲಿ ಮಹಾತ್ಮರ ಚರಕ ತಿರುಗುತ್ತದೆ
ಭಾರತದ ಮಾನ ಮುಚ್ಚುಲು. !
ಇಲ್ಲಿ ಬುಟ್ಟಿ ಗಳನು ಹೆಣೆಯಲು
ಬೆರಳುಗಳೂ ಶ್ರಮಿಸುತಿವೆ.
ಮಣ್ಣು ಮಡಿಕೆಗಳಿಗೆ ತಿಗರಿ
ತಿರುಗುತಿದೆ..!
ಕುಲುಮೆಯ ತಿದಿಗಳು ಉಸಿರಾಡುತಿವೆ..!
ಕಲ್ಲರಳಿಸಿ ಹೂವು ಮಾಡುವ
ಸುಣ್ಣ ದ ಭಟ್ಟಿಗಳು ನಿಂತಿವೆ
ಮನೆ ಮನೆ ಬೆಳಗಲು..!
ಕೈ ಗಳು ದುಡಿಯುತಿವೆ
ಹೊಟ್ಟೆ ಹೊರೆಯಲು..!
ನಮ್ಮ ಅನ್ನವ ನಮ್ಮ
ನಾಡಿಗೇ ನೀಡಲು..!!
ಇಲ್ಲಿ ಗೋಡೆಗಳು ಇದ್ದೂ ಇಲ್ಲದಂತೆ
ಇಲ್ಲಿ ಬಾಗಿಲು ಎಂದರೆ
ಸದಾ ತೆರೆದಿರುವದೆಂದೇ ಅರ್ಥ..!
ರಸ್ತೆ ಗಳೆಂದರೆ ವಿಶಾಲ ಮನಸ್ಸು.. !
ಕೆರೆಗಳು ಸರೋವರಗಳು
ಅಮೃತದ ಮಡುವುಗಳು…!
ಮಣ್ಣು ತಾಯಿಯಾಗಿದೆ
ತೂಗು ತೊಟ್ಟಿಲ ಜೋಗುಳವಾಗಿದೆ..!
ಮಾತುಗಳ ಹೃದಯ ಸತ್ಯ
ನಡೆ ನುಡಿ ಯಲಿ ಪ್ರೀತಿ
ಇಲ್ಲಿರುವ ಬೆಳಕು ದಯೆಯ ನಗುವು
ಅಹಿಂಸೆಯ ನೆಲೆಗಟ್ಟಿನ
ಪರ್ಣಕುಟಿ.. ನಮ್ಮ ಪ್ರೀತಿಯ ಭಾರತ ..!!
ಜಲವರ್ಣ ಚಿತ್ರ ಕೃಪೆ
ನಾ. ರೇವಣಸಿದ್ದಪ್ಪನವರು.
ಚಿತ್ರ ಕಲಾವಿದರು. ಬೆಂಗಳೂರು..
ಹೆಚ್ಚಿನ ಬರಹಗಳಿಗಾಗಿ
ರೆಕ್ಕೆ ಇದ್ದರೆ ಚೆನ್ನಾಗಿತ್ತು
ಇದು ಅದಲ್ಲ
ರಾಧೇಭಾವ