ಆರೋಗ್ಯ ಕ್ಷೇತ್ರದಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಜಬಿ ಅವರಿಗೆ ಕಲೆ ಮತ್ತು ಸಾಹಿತ್ಯದಲ್ಲಿ ಅಪಾರ ಆಸಕ್ತಿ. ಇವರ ಕವಿತೆ,ಗಜ಼ಲ್ ಮತ್ತು ಭಾವಕ್ಕೆ ತಕ್ಕಂತೆ ಬಿಡಿಸುವ ಕಲಾಕೃತಿ ಬೆರಗುಗೊಳಿಸಬಲ್ಲುದು. ಇತ್ತೀಚೆಗೆ ಇವರ ಆಕಾಶವಾಣಿ ಸಂದರ್ಶನವೂ ಪ್ರಕಟವಾಗಿದೆ.
ಪ್ರಕಟಿತ ಕೃತಿ: ಏಕಾಂಗಿಯ ಕನವರಿಕೆಗಳು(ಕವನ ಸಂಕಲನ)
ಪ್ರಕಟಿತ ಕೃತಿ: ಏಕಾಂಗಿಯ ಕನವರಿಕೆಗಳು(ಕವನ ಸಂಕಲನ)
ಇತ್ತೀಚಿನ ಬರಹಗಳು: ಜಬೀವುಲ್ಲಾ ಎಂ. ಅಸದ್ (ಎಲ್ಲವನ್ನು ಓದಿ)
- ಮೈಖೇಲ್ ಜಾಕ್ಸನ್ ಎಂಬ ಲೋಕ ಕಂಡ ಮಾಂತ್ರಿಕ - ಡಿಸಂಬರ್ 21, 2021
- ಪ್ರೀತಿ ಹಂಚುತ ಸಾಗು - ನವೆಂಬರ್ 24, 2021
- ನನ್ನ ಕವಿತೆಗಳಿಗೊಂದಷ್ಟು ಜಾಗ ನೀಡಿ - ನವೆಂಬರ್ 3, 2021
ಸುಮಾರು ಹದಿನೈದು ವರುಷಗಳ ತರುವಾಯ ಆ ಮನೆಯ ಹಿರಿ ಸೊಸೆ ಗರ್ಭಧರಿಸಿದಳು! ಮನೆಮಂದಿಗೆಲ್ಲ ಹೀಗ್ಗೊ ಹಿಗ್ಗು, ದೇವರ ಅನುಗ್ರಹವೆಂದು ನಂಬಿದರು, ದೇವರ ಕೋಣೆಯಲ್ಲಿ ತುಪ್ಪದ ದೀಪ ಬೆಳಗಿದರು.
ತಿಂಗಳುಗಳುರುಳಿದವು, ಆ ಶುಭದಿನ, ಆ ಅಮೃತ ಘಳಿಗೆ ಬಂದೇ ಬಿಟ್ಟಿತು. ಎಲ್ಲರ ಮುಖದಲ್ಲೂ ಕಾತರ, ಆತುರ… ಮಗುವಿನ ಅಳುವಿನ ಧ್ವನಿ ಕೇಳಿಸುತ್ತಲೇ ಎಲ್ಲರ ಮುಖದಲ್ಲಿ ನಗು. ಸ್ವಲ್ಪ ಸಮಯದ ನಂತರ ದಾದಿ ಬಂದು ಸಾಕ್ಷಾತ್ ಲಕ್ಷ್ಮಿ ಹುಟ್ಟಿದ್ದಾಳೆ ಎಂದಾಗ, ಛೇ…! ಹೆಣ್ಣುಮಗುವೆ; ಗಂಡಾಗಬಾರದಿತ್ತೆ? ಅಲ್ಲೊಂದು ನಿರಾಶೆಯ ಉದ್ಗಾರವೊಂದು ಹೊರಡಿತು. ಎಲ್ಲರ ಮುಖದಲ್ಲಿ ನಗುವಿನ ಹೂಗಳು ಬಾಡಿ ತಾತ್ಸಾರದ ಮುಳ್ಳುಗಳು ಅರಳಿದವು. ಮನುಷ್ಯರೆಲ್ಲ ರಾಕ್ಷಸರಾದರು!
ಆ ಶಿಶು ಹುಟ್ಟಿದ ದಿನವೇ ಕೊನೆಯುಸಿರೆಳೆಯಿತು; ಜಗತ್ತಿಗೆ ವಿದಾಯ ಹೇಳಿತು. ದೇವರ ಕೋಣೆಯಲ್ಲಿ ಹಚ್ಚಿಟ್ಟ ದೀಪವೂ ಸಕಾರಣ ಆರಿಹೋಯಿತು; ದೇವರಿಗೂ ಕೋಪ ಬಂದಿರಬೇಕು! ಬಹುಶಃ ತನ್ನ ಹುಟ್ಟಿದ ಸಮಯ ಲೋಕವಾಡಿದ ಮಾತುಗಳನ್ನು ಮಗು ಸಹ ಕೇಳಿಸಿಕೊಂಡಿರಬೇಕು!
ಹೆಚ್ಚಿನ ಬರಹಗಳಿಗಾಗಿ
ಸುಳ್ಳು ಹೇಳುವ ಕನ್ನಡಿ
ಸಮರ್ಥನೆ