ಅಬ್ಳಿ ಹೆಗಡೆ ಲೇಖನಾಮದ ಸುಬ್ರಹ್ಮಣ್ಯ ಹೆಗಡೆ,ಉತ್ತರಕನ್ನಡ ಜಿಲ್ಲೆಯಹೊನ್ನಾವರದವರು. ವೃತ್ತಿಯಲ್ಲಿ ಅಡಿಕೆ ಕೃಷಿ, ಪ್ರವೃತ್ತಿಯಲ್ಲಿ ಸಾಹಿತ್ಯದ ಓದು,ಬರಹ.. ಇವರ ಎರಡು ಕಿರು ಕಾದಂಬರಿಗಳು ಪ್ರಕಟಣೆಯ ಹಂತದಲ್ಲಿವೆ. ಕವಿತೆ ಇವರ ಅಚ್ಚುಮೆಚ್ಚಿನ ಸಾಹಿತ್ಯ ಪ್ರಕಾರ. ಅನೇಕ ಕವನಗಳು ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ.
ಇತ್ತೀಚಿನ ಬರಹಗಳು: ಅಬ್ಳಿ ಹೆಗಡೆ (ಎಲ್ಲವನ್ನು ಓದಿ)
- ನನ್ನ ಈ…ಮನೆ - ಜುಲೈ 25, 2022
- ಬದುಕ ಮಧ್ಯ - ಆಗಸ್ಟ್ 22, 2021
- ಒಂದು ಸ್ವಗತ - ಜೂನ್ 30, 2021
ನೈವೇದ್ಯ
ಹೊಟ್ಟೆಹಸಿವಿನ ಕಷ್ಟ
ಹಸಿದವಗೆ ವೇದ್ಯ.
ಏನೂ ತಿನ್ನದ ದೇವ
ಅವಗೆ ನೈವೇದ್ಯ.
*****
ನನ್ನೊಳಗೆ
ಹೊರಗೆ ಹೊಳೆವ ಬಿಸಿಲ ಬೆಳಕು
ಒಳಗೆ ಕತ್ತಲಡರಿದೆ.
ನೋಡಲಾರೆ ನನ್ನ ಒಳಗ
ದೀಪವೆಲ್ಲೋ ಕಳೆದಿದೆ
*****
ನನ್ನ ಕಥೆ
ನನ್ನ ಕಥೆಯನು ನಾನೇ
ಕೈಯ್ಯಾರೆ ಬರೆದೆ.
ಅದರೊಳಗೆ ಜಗದರಿವ
ಬಾಗಿಲನು ತೆರೆದೆ.
*****
ಬಡವನ ಕನಸು
ಹಸಿದ ಹೊಟ್ಟೆಯ ಬಡವ
ಕಾಣುವನು ಕನಸು.
ದಿನವಿಡೀ ತಿಂದಂತೆ
ರುಚಿ,ರುಚಿಯ ತಿನಿಸು
*****
ಚಿ(0)ತೆ.
ಚಿಂತೆ,ಚಿತೆ ಮಧ್ಯದಲಿ
ಮುದ್ದಾದ ಸೊನ್ನೆ.
ತೋರುವದು ಜೀವನದ
ನಶ್ವರತೆಯನ್ನೆ….?
*****
ಹೆಚ್ಚಿನ ಬರಹಗಳಿಗಾಗಿ
ಪತ್ತಂಗಿ ಎಸ್ ಮುರಳಿ ಆಯ್ದ ೧೦ ಚುಟುಕುಗಳು
ಪ್ರೀತಿ
ಬಾ ವರ್ಷಧಾರೆ…