'ಮಹಿಳಾ ಅಧ್ಯಯನ'ದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರುವ ಇವರು ಸಾರ್ವಜನಿಕ ಸಂಪರ್ಕಾಧಿಕಾರಿಯಾಗಿ ಬಸವೇಶ್ವರ ಸಾರ್ವಜನಿಕ ಹಾಗೂ ಬೋಧನಾ ಆಸ್ಪತ್ರೆ , ಕಲಬುರಗಿಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.
ಕಥೆ,ಕಾದಂಬರಿ, ಐತಿಹಾಸಿಕ ಲೇಖನಗಳನ್ನು ಓದುವದು,ಕವಿತೆಗಳನ್ನು ರಚಿಸುವದು ಇವರ ಹವ್ಯಾಸವಾಗಿದ್ದು, ಸಂಗೀತ, ಕಲೆ, ಪ್ರಸಕ್ತ ವಿದ್ಯಮಾನಗಳಲ್ಲಿ ಆಸಕ್ತಿ.
ಕಥೆ,ಕಾದಂಬರಿ, ಐತಿಹಾಸಿಕ ಲೇಖನಗಳನ್ನು ಓದುವದು,ಕವಿತೆಗಳನ್ನು ರಚಿಸುವದು ಇವರ ಹವ್ಯಾಸವಾಗಿದ್ದು, ಸಂಗೀತ, ಕಲೆ, ಪ್ರಸಕ್ತ ವಿದ್ಯಮಾನಗಳಲ್ಲಿ ಆಸಕ್ತಿ.
ಇತ್ತೀಚಿನ ಬರಹಗಳು: ಪ್ರಿಯದರ್ಶಿನಿ ಟೆಂಗಳಿ (ಎಲ್ಲವನ್ನು ಓದಿ)
- ಮತ್ತೆ ಮಳೆಯಾಗಿದೆ - ಮೇ 28, 2022
ಧರೆಗೆ ಬೀಳಲೋ, ಬೇಡವೋ
ಎನ್ನುವ ದ್ವಂದ್ವದಲ್ಲಿ..
ಬಾನಲ್ಲಿ ಹನಿಯೊಂದು ಮೂಡಿದೆ…
ಅಕ್ಷಿಯಿಂದ ಜಾರಿ,
ಜಗತ್ ಜಾಹೀರು ಮಾಡಲೋ ಬೇಡವೋ
ಎನ್ನುವ ಹಿಂಜರಿಕೆಯಲಿ
ಕಣ್ಣಂಚಲಿ ಹನಿಯೊಂದು ಮೂಡಿದೆ
ಈ ಕಣ್ಣಂಚಿನ ಹನಿ,
ಆ ಬಾನಿನ ಮಳೆ ಹನಿಗೆ ಕರೆಮಾಡಿ,
ಬರುವದಾದರೆ ಧುಮ್ಮಿಕ್ಕುವ
ಜಲಪಾತದಂತೆ ರಭಸವಾಗಿ ಬಾ…
ನೀನು ಬಂದಿರುವೆಯೆಂದು ಭಾಸವಾಗುವದು ಇಳೆಗೆ…
ಹಾಗೆಯೇ ನನ್ನ ಕಣ್ಣಂಚಿನಲ್ಲಿರುವ
ಹನಿಗಳೂ ನಿನ್ನೊಂದಿಗೆ
ಸರಾಗವಾಗಿ
ಜಾರಿ ಬಿಡುವವು ಇಳೆಗೆ
ಯಾರಿಗೂ ತಿಳಿಯದಂತೆ !!!
ಎಂದು ಹೇಳಿತಂತೆ…
–0-0-0–
ಸದ್ದಿಲ್ಲದೆ ತಂಗಾಳಿ ಮೆಲ್ಲಗೆ
ಹೆಜ್ಜೆಯ ಹಾಕಿದೆ
ಮೆಲ್ಲುಸಿರ ಹಾಕಿ, ಮಾತೊಂದು
ಅಧರಗಳ ಬಳಿ ಬಂದು ಮೌನವಾಗಿದೆ
ಲಜ್ಜೆಯಿಂದ ಮೋಡವದು
ಅಲ್ಲಲ್ಲಿ ಲಜ್ಜೆಯಿಂದಿಣುಕಿ
ಮಳೆಹನಿಯಾಗುತಿದೆ
ಬಯಕೆಯೊಂದು ಮಿಂಚುಹುಳಗಳಂತೆ
ಸಿಹಿಯಾದ ಸವಾಲೊಂದನು ಎಸೆದಿದೆ
ಮಾಡುವದೇನೀಗ ಹೇಳದೇ
ಮೆಲ್ಲುಸಿರ ಹಾಕಿ, ಮಾತೊಂದು
ಅಧರಗಳ ಬಳಿ ಬಂದು ಮೌನವಾಗಿದೆ…
–0-0-0–
ಹೆಚ್ಚಿನ ಬರಹಗಳಿಗಾಗಿ
ಬೇಂದ್ರೆ ಸಂಗೀತ: ಒಂದು ವಿಶ್ಲೇಷಣೆ
ರೆಕ್ಕೆ ಇದ್ದರೆ ಚೆನ್ನಾಗಿತ್ತು
ಇದು ಅದಲ್ಲ